2Ki 25:4-12 | Ndebele | STEP | Umuzi wasufohlelwa . Wonke amadoda empi ase baleka ebusuku ngendlela yesango phakathi kwemiduli emibili eyayiseduze lesivande senkosi , (amaKhaladiya ayemelene-ke lomuzi inhlangothi zonke ); inkosi yasihamba ngendlela yamagceke .

2 Kings 25:4-12

4 Umuzi wasufohlelwa ^a. Wonke amadoda empi ^b asebaleka ebusuku ngendlela yesango phakathi kwemiduli emibili ^c eyayiseduze lesivande senkosi ^d, (amaKhaladiya ayemelene-ke lomuzi inhlangothi zonke ^e); inkosi yasihamba ^f ngendlela yamagceke ^g. 5 Ibutho lamaKhaladiya laselixotshana lenkosi, layifica emagcekeni eJeriko ^h; ibutho layo lonke laselihlakazeka lisuka kuyo. 6 Aseyibamba inkosi, ayenyusela enkosini yeBhabhiloni ⁱ eRibila ^j, akhuluma ukwahlulela kwayo. 7 Abulala amadodana kaZedekhiya phambi kwamehlo akhe, akhupha amehlo kaZedekhiya ^k, ambopha ngamaketane ethusi amabili, amusa eBhabhiloni ^l.

Ukuthunjwa kwelakoJuda

8 Langenyanga yesihlanu ^m ngolwesikhombisa lwenyanga ⁿ (okungumnyaka wetshumi lesificamunwemunye wenkosi uNebhukadinezari inkosi yeBhabhiloni ^o) kwafika uNebuzaradani induna yabalindi, inceku yenkosi yeBhabhiloni, eJerusalema. 9 Wasetshisa indlu kaJehova lendlu yenkosi ^p lazo zonke izindlu zeJerusalema ^q; layo yonke indlu yesikhulu wayitshisa ngomlilo. 10 Lebutho lonke lamaKhaladiya elalilenduna yabalindi ^r ladilizela phansi imiduli yeJerusalema inhlangothi zonke ^s. 11 Njalo insali yabantu ababesele emzini, labahlamuki ababehlamukele enkosini yeBhabhiloni, lensali yexuku, uNebuzaradani induna yabalindi yabathumba ^t. 12 Kodwa induna yabalindi yatshiya ebayangeni belizwe ukuba ngabaphathi bezivini labalimi ^u.