2 Samuel 23:8-39
Amaqhawe kaDavida
8La ngamabizo amaqhawe uDavida ayelawo a: UJoshebi-Bashebeti umTahekemoni, inhloko yezinduna; nguye uAdino umEzini, ngenxa yabangamakhulu ayisificaminwembili ababulawa ngasikhathi sinye b. 9Lemva kwakhe kwakuloEleyazare indodana kaDodo indodana kaAhohi, owamaqhawe amathathu ayeloDavida c, ekudeleleni kwabo amaFilisti ayebuthanele khona impi, lapho amadoda akoIsrayeli esenyukile d, 10yena wasukuma watshaya amaFilisti saze sadinwa isandla sakhe, lesandla sakhe sanamathela enkembeni. INkosi yasisenza usindiso olukhulu ngalolosuku; abantu basebebuya emva kwakhe ukuzaphanga kuphela e. 11Lemva kwakhe kwakuloShama indodana kaAge umHarari f. AmaFilisti ayebuthene aba lixuku, lapho okwakukhona isiqinti sensimu sigcwele amalentili; njalo abantu babaleka ebusweni bamaFilisti, 12kodwa wajama phakathi kwesiqinti, wasivikela, wawatshaya amaFilisti. INkosi yenza-ke usindiso olukhulu g. 13Abathathu ezinhlokweni ezingamatshumi amathathu basebesehla, bafika kuDavida ebhalwini lweAdulamu h ngesikhathi sokuvuna; lexuku lamaFilisti lalimise inkamba esihotsheni seRefayimi i. 14Langalesosikhathi uDavida wayesenqabeni j, lebutho lenqaba lamaFilisti laliseBhethelehema ngalesosikhathi k. 15UDavida wasenxwanela, wathi: Hawu, kungathi omunye ubenganginathisa amanzi omthombo weBhethelehema ongasesangweni! 16Lawomaqhawe amathathu asefohla adabula enkambeni yamaFilisti, akha amanzi emthonjeni weBhethelehema owawungasesangweni, awathatha awaletha kuDavida. Kube kanti kathandanga ukuwanatha, kodwa wawathululela iNkosi. 17Wasesithi: Kakube khatshana lami, Nkosi, ukuthi ngenze lokho; kakusigazi yini labantu abahambe lempilo yabo engozini? Ngalokho kathandanga ukuwanatha. Lezizinto azenza lamaqhawe amathathu l. 18Njalo uAbishayi, umfowabo kaJowabi indodana kaZeruya, wayeyinhloko yabathathu. Yena wasegiyela abangamakhulu amathathu ngomkhonto wakhe, ababuleweyo, wasesiba lebizo phakathi kwabathathu. 19Kahlonitshwanga kakhulu yini kulabathathu? Ngakho waba yinduna yabo; kodwa kafikanga kwabathathu abokuqala m. 20UBhenaya-ke, indodana kaJehoyada, indodana yeqhawe n, omkhulu ngezenzo, weKabhiseyeli o. Yena watshaya ababili abanjengezilwane bakoMowabi p; futhi wehla watshaya isilwane phakathi komgodi mhla weliqhwa elikhithikileyo. 21Yena wasetshaya indoda engumGibhithe, umuntu obukekayo; njalo umGibhithe wayelomkhonto esandleni sakhe; kodwa wehlela kuye elenduku, wawuhluthuna umkhonto esandleni somGibhithe, wambulala ngomkhonto wakhe. 22Lezizinto wazenza uBhenaya indodana kaJehoyada, waba lebizo phakathi kwamaqhawe amathathu. 23Wayehlonipheka kulabangamatshumi amathathu, kodwa kafikanga kwabathathu q. UDavida wasembeka phezu kwabalindi bakhe. 24UAsaheli umfowabo kaJowabi wayephakathi kwabangamatshumi amathathu r, uElihanani indodana kaDodo weBhethelehema, 25uShama umHarodi, uElika umHarodi s, 26uHelezi umPaliti t, uIra indodana kaIkheshi umThekhowa u, 27uAbiyezeri umAnethothi v, uMebunayi umHusha w, 28uZalimoni umAhohi x, uMaharayi umNetofa y, 29uHelebi indodana kaBahana umNetofa z, uIthayi indodana kaRibayi weGibeya wabantwana bakoBhenjamini aa, 30uBhenaya umPirathoni ab, uHidayi wezifuleni zeGahashi ac, 31uAbi-Aliboni umAraba ad, uAzimavethi umBahurimi ae, 32uEliyabha umShahaliboni af, wamadodana kaJasheni, uJonathani, 33uShama umHarari, uAhiyamu indodana kaSharari umHarari ag, 34uElifeleti indodana kaAhasibayi indodana yomMahaka ah, uEliyamu indodana kaAhithofeli umGilo ai, 35uHezirayi umKharmeli aj, uPaharayi umArabi, 36uIgali indodana kaNathani weZoba ak, uBani umGadi, 37uZeleki umAmoni al, uNaharayi umBherothi am, umthwali wezikhali zikaJowabi indodana kaZeruya, 38uIra an umIthiri ao, uGarebi umIthiri, 39uUriya umHethi ap; bebonke babengamatshumi amathathu lesikhombisa.
Copyright information for
Ndebele