a23:14; 1 Sam 22:4,5; 1 Lan 11:16; 1 Lan 14:8
b5:22; Hlu 15:9
c5:22, 23:13; Josh 15:8, 18:16; 1 Lan 11:15; Josh 17:15
dNani 27:21
eIsa 28:21
f1 Lan 14:12; Dute 7:5,25
g5:22; Hlu 15:9
h5:19
i2 Kho 7:6
jHlu 4:14
kJosh 10:33

2 Samuel 5:17-25

UDavida unqoba amaFilisti

17Kwathi amaFilisti esezwile ukuthi bamgcobile uDavida ukuthi abe yinkosi phezu kukaIsrayeli, wonke amaFilisti enyuka ukuyamdinga uDavida; uDavida wakuzwa, wehlela enqabeni a. 18AmaFilisti esefikile asabalala b esihotsheni seRefayimi c. 19UDavida wasebuza eNkosini esithi: Ngingenyukela yini kumaFilisti? Uzawanikela esandleni sami yini? INkosi yasisithi kuDavida: Yenyuka, ngoba isibili ngizawanikela amaFilisti esandleni sakho d. 20UDavida wasefika eBhali-Perazimi e, uDavida wawatshaya khona, wathi: INkosi izifohlele izitha zami phambi kwami njengokufohla kwamanzi. Ngakho wabiza ibizo laleyondawo ngokuthi yiBhali-Perazimi. 21Asetshiya izithombe zawo lapho, loDavida labantu bakhe bazisusa f.

22AmaFilisti asebuya enyuka futhi, asabalala esihotsheni seRefayimi g. 23Lapho uDavida ebuza iNkosi, yathi: Ungenyuki; bhoda ngemuva kwawo, uwasukele usuka maqondana lezihlahla zebhalisamu h. 24Kuzakuthi-ke lapho usizwa isisinde sokuhamba ezihlokweni zezihlahla zebhalisamu, lapho uphangise i, ngoba ngalesosikhathi iNkosi izaphuma phambi kwakho ukutshaya ibutho lamaFilisti j. 25UDavida wasesenza njalo, njengokumlaya kwayo iNkosi, wawatshaya amaFilisti kusukela eGeba uze ufike eGezeri k.

Copyright information for Ndebele