a16:1-4, 19:17,29
b1 Sam 20:14
c4:4
d17:27; Josh 13:26
e17:27; Josh 13:26
f9:1,3
g16:9; 1 Sam 24:14
h9:7,11,13, 19:28; 1 Kho 2:7; 2 Kho 25:29
i19:17
jEks 18:4
k1 Lan 8:34

2 Samuel 9:2-12

2Njalo indlu kaSawuli yayilenceku obizo layo lalinguZiba a. Sebembizele kuDavida, inkosi yathi kuye: UnguZiba yini? Wasesithi: Ngiyinceku yakho. 3Inkosi yasisithi: Kakuselamuntu yini wendlu kaSawuli, engingamenzela umusa kaNkulunkulu b? UZiba wasesithi enkosini: UJonathani uselendodana eyisilima inyawo zombili c. 4Inkosi yasisithi kuye: Ingaphi? UZiba wasesithi enkosini: Khangela, isendlini kaMakiri indodana kaAmiyeli eLodebari d.

5Inkosi uDavida yasithuma yamlanda endlini kaMakiri indodana kaAmiyeli eLodebari e. 6Lapho uMefiboshethi indodana kaJonathani indodana kaSawuli esefika kuDavida, wathi mbo ngobuso bakhe, wakhothama. UDavida wasesithi: Mefiboshethi! Wasesithi: Khangela, inceku yakho.

7UDavida wasesithi kuye: Ungesabi, ngoba ngizakwenzela lokukwenzela umusa ngenxa kaJonathani uyihlo; ngizakubuyisela ilizwe lonke likaSawuli uyihlo, wena-ke uzakudla isinkwa etafuleni lami njalonjalo f. 8Wasekhothama, wathi: Iyini inceku yakho ukuthi ukhangele inja efileyo enjengami g?

9Inkosi yasibiza uZiba, inceku kaSawuli, yathi kuye: Konke okwakungokukaSawuli, lendlu yakhe yonke ngikunike indodana yenkosi yakho. 10Uzayilimela-ke umhlaba, wena lamadodana akho lenceku zakho, lilethe izithelo ukuze indodana yenkosi yakho ibe lesinkwa engasidla; kodwa uMefiboshethi indodana yenkosi yakho uzakudla isinkwa etafuleni lami njalonjalo h. Njalo uZiba wayelamadodana alitshumi lanhlanu, lenceku ezingamatshumi amabili i. 11UZiba wasesithi enkosini: Njengakho konke inkosi yami, inkosi, ekulaya inceku yayo, izakwenza njalo inceku yakho. NgoMefiboshethi, uzakudla etafuleni lami, njengomunye wamadodana enkosi j. 12Njalo uMefiboshethi wayelendodana encinyane, obizo layo lalinguMika k. Labo bonke ababehlala endlini kaZiba baba zinceku zikaMefiboshethi.
Copyright information for Ndebele