Act 10:9-32 | Ndebele | STEP | Njalo kusisa bona besahamba sebesondela emzini, uPetro wenyukela phezu kophahla lwendlu ukuyakhuleka , okungaba lihola lesithupha * ;

Acts 10:9-32

Ukuhlehliswa kwengqondo kaPetro

9 Njalo kusisa bona besahamba sebesondela emzini, uPetro wenyukela ^a phezu kophahla lwendlu ukuyakhuleka ^b, okungaba lihola lesithupha* ^c; 10 waselamba kakhulu, wafuna ukudla; kwathi bona besamlungisela, ukuhlehliswa kwengqondo kwamehlela ^d, 11 wasebona izulu livulekile ^e, lesitsha esithile sehlela kuye, njengelembu elikhulu, libotshwe ngamasondo amane, lisehliselwa emhlabeni; 12 okwakukhona kulo izidalwa zonke ezilenyawo ezine zomhlaba lezeganga lezihuquzelayo lenyoni zezulu. 13 Kwasekufika ilizwi kuye lathi: Sukuma, Petro, hlaba udle. 14 Kodwa uPetro wathi: Hatshi bo, Nkosi; ngoba kangizake ngidle loba yini ^f engahlambulukanga ^g kumbe engcolileyo ^h. 15 Ilizwi laphinda ngokwesibili kuye: Izinto uNkulunkulu azihlambululileyo, wena ungatsho ukuthi kazihlambulukanga ⁱ. 16 Njalo lokhu kwenzeka kwaze kwaba kathathu; lesitsha sabuya saphakanyiselwa ezulwini. 17 Kwathi uPetro esadidekile ngaphakathi kwakhe ^j ukuthi ngabe uyini umbono awubonileyo ^k, njalo khangela, amadoda ayethunywe evela kuKorneliyu, esebuzile indlu kaSimoni, ema ^l esangweni ^m, 18 esememezile abuza ukuthi uSimoni, othiwa futhi nguPetro, ungenisile lapha yini. 19 Kwathi uPetro esanakana ngombono, uMoya wathi kuye: Khangela, amadoda amathathu ayakudinga ⁿ. 20 Ngakho sukuma wehle, uhambe lawo ^o, ungathandabuzi ^p; ngoba yimi engiwathumileyo. 21 UPetro wasesehlela emadodeni avela kuKorneliyu ayethunywe kuye, wathi: Khangelani, yimi elimdingayo; yisizatho bani elize ngaso? 22 Basebesithi: UKorneliyu induna yekhulu, indoda elungileyo lemesabayo uNkulunkulu ^q, efakazelwa yisizwe sonke samaJuda ^r, walayelwa nguNkulunkulu ^s ngengilosi engcwele ukuthi akubizele endlini yakhe ^t, njalo ezwe amazwi kuwe ^u. 23 Ngakho esebabizele phakathi wabangenisa. Njalo kusisa uPetro waphuma wahamba labo, labanye ^v babazalwane ababeseJopha bahamba laye ^w.

Ukufika kukaPetro endlini kaKorneliyu

24 Ngosuku olulandelayo basebengena eKesariya ^x. LoKorneliyu wayebalindele, esebizele ndawonye izihlobo zakhe labangane abazwana laye. 25 Kwathi sekwenzakele ukuthi uPetro angene, uKorneliyu wamhlangabeza, ewela enyaweni zakhe ^y, wamkhonza ^z. 26 Kodwa uPetro emphakamisa, wathi: Sukuma; lami ngokwami ngingumuntu ^aa. 27 Njalo esakhuluma layo wangena, wafica abanengi bebuthene ^ab, 28 wasesithi kubo: Lina liyazi ukuthi kakuvunyelwa emuntwini ongumJuda ^ac ukuhlangana kumbe ukuya emuntwini wesinye isizwe ^ad; kodwa uNkulunkulu ungitshengisile ukuthi ngingabizi muntu ngokuthi kahlambulukanga kumbe ungcolile ^ae; 29 ngakho-ke ngizile ngingaphikisanga nxa ngibizwa. Ngakho ngiyabuza, ukuthi ungibizele sizatho bani? 30 UKorneliyu wasesithi: Ngensuku ezine ezidlulileyo ^af kuze kube yilelihola ngangizila ukudla ^ag, ngehola lesificamunwemunye ngangikhuleka endlini yami ^ah; njalo khangela, indoda yema phambi kwami ^ai yembethe isembatho esikhazimulayo ^{aj
,} ^ak, 31 yasisithi: Korneliyu, umkhuleko wakho uzwakele, lemisebenzi yakho yomusa ikhunjulwe phambi kukaNkulunkulu ^al. 32 Ngakho thumela eJopha, ubusubiza uSimoni othiwa futhi nguPetro; yena ungenisile endlini kaSimoni umtshuki wezikhumba ngaselwandle; ozakuthi angabuya akutshele ^am.