Act 28 | Ndebele | STEP | Kwathi sebesindile, basebesizwa ukuthi isihlenge sithiwa yiMelitha .

1 Kwathi sebesindile, basebesizwa ukuthi ^a isihlenge sithiwa yiMelitha ^b. 2 Labalelolizwe ^c basiphatha ngomusa ^d ongandanga ^e; ngoba babasa umlilo, basemukela sonke, ngenxa yezulu elaseliqalisile, langenxa yomqando. 3 UPawuli wasetheza umnyaba wenkuni, wazibeka emlilweni, kwaphuma inyoka ngenxa yokutshisa, yanamathela esandleni sakhe. 4 Kwathi abalelolizwe bebona isilo silenga esandleni sakhe ^f, bakhulumisana besithi: Isibili lumuntu ungumbulali, othi esindile olwandle ^g, ukulunga kakuvumi ukuthi aphile ^h. 5 Yena-ke wasithintithela emlilweni isilo, akaze ehlelwa yibubi ⁱ. 6 Basebelindela ukuthi uzavuvuka lokuthi awele phansi ahle afe; kwathi sebelinde isikhathi eside, basebebona ukuthi kakulalutho olubi olwenzakala kuye ^j, baphendula imicabango yabo bathi ungunkulunkulu ^k.

UPawuli usilisa isigulane

7 Kubomakhelwane baleyondawo kwakulamasimu esikhulu sesihlenge, uPubliyo ngebizo ^l; owasemukela wasingenisa kuhle insuku ezintathu. 8 Kwasekusithi uyise kaPubliyo wayelele ebanjwe luqhuqho lesisu segazi; angena kuye uPawuli, wakhuleka ^m, wabeka izandla phezu kwakhe, wamsilisa ⁿ. 9 Ngakho lokho sekwenzakele, beza labanye ababesesihlengeni ababelezifo basebesiliswa; 10 abasidumisa langodumo olunengi, njalo mhla sisukayo ngomkhumbi, basethesa izinto ezidingekayo ^o.

UPawuli ufika eRoma

11 Kwathi emva kwenyanga ezintathu sasuka ngomkhumbi weAleksandriya ^p, owawuhlezi ebusika esihlengeni, ulophawu oluthiwa ngoDiyosikuroyi*. 12 Sasesifika eSirakhuse sahlala insuku ezintathu; 13 sasuka lapho sahamba ngokubhoda sayafika eRegiyuma, sekudlule usuku olulodwa kwafika umoya weningizimu, safika ePuthiyoli ngosuku lwesibili; 14 lapho esafica khona abazalwane ^q, sacelwa ukuhlala labo insuku eziyisikhombisa; ngokunjalo saya-ke eRoma. 15 Njalo besuka lapho abazalwane sebezwile izinto ngathi ^r, beza ukusihlangabeza baze bafika eApiyi Foruma leNdlini zeZihambi eziNtathu; okwathi uPawuli ebabona, wabonga uNkulunkulu, wema isibindi. 16 Sathi sesifike eRoma, induna yekhulu yanikela izibotshwa enduneni yabalindi; kodwa uPawuli wavunyelwa ukuhlala yedwa, lowebutho omlindayo ^s.

17 Kwasekusithi emva kwensuku ezintathu ^t uPawuli wabizela ndawonye labo abangabakhulu bamaJuda ^u; sebebuthene, wathi kubo: Madoda bazalwane, mina kangenzanga lutho oluphambene lesizwe ^v kumbe lamasiko abobaba ^w, ngiyisibotshwa ngivela eJerusalema nganikelwa ezandleni zamaRoma ^x; 18 wona esengihlolile ^y afuna ukungikhulula ^z, ngoba kungekho kimi cala elifanele ukufa ^aa. 19 Kodwa amaJuda ala, ngacindezeleka ukulidlulisela kuKesari ^ab, kungeyisikho ukuthi ngilolutho olokumangalela isizwe sakithi. 20 Ngakho ngenxa yalesisizatho ngilibizele lapha ukuthi ngilibone ngikhulume lani; ngoba ngenxa yethemba ^ac likaIsrayeli ngizingelezelwe ^ad ngaleliketane ^ae. 21 Basebesithi kuye: Thina kasemukelanga izincwadi ngawe ezivela eJudiya, futhi loba ngubani wabazalwane, esefikile, kabikanga kumbe akhulume lutho olubi ngawe. 22 Kodwa sifisa ukuzwa izinto ozinakanayo wena; ngoba mayelana lalobububhazuka ^af siyazi ukuthi buyaphikiswa endaweni zonke ^ag.

23 Njalo kwathi sebemmisele usuku, abanengi beza kuye endlini yezihambi; owabachasisela ^ah wafakaza ^ai umbuso kaNkulunkulu ^aj, ebancenga ngezinto zikaJesu ^{ak
,} ^al, ethathela emlayweni kaMozisi kanye labaprofethi, kusukela ekuseni kakhulu kwaze kwaba kusihlwa ^am. 24 Abanye basebekholwa izinto azitshoyo, kodwa abanye kabakholwanga ^an. 25 Kwasekusithi bengavumelani bodwa basuka bahamba, uPawuli esekhulume ilizwi laba linye lokuthi: Wayekhulume kuhle uMoya oyiNgcwele ngoIsaya umprofethi kubobaba bethu, 26 esithi: Hamba uye kulesisizwe ubususithi: Ngokuzwa lizakuzwa, njalo kalisoze liqedisise; lokubona lizabona, njalo kalisoze libonisise. 27 Ngoba inhliziyo yalesisizwe seyaba buthundu, njalo bezwa kanzima ngendlebe, lamehlo abo bawacimezile; hlezi babone ngamehlo, njalo bezwe ngendlebe, futhi baqedisise ngenhliziyo, njalo baphenduke, besengibasilisa ^ao. 28 Ngakho kakwaziwe kini, ukuthi usindiso lukaNkulunkulu ^ap luyathunyelwa kwabezizwe, bona-ke bazakuzwa ^aq. 29 Njalo kwathi esetshilo lezizinto, amaJuda asuka, elokuphikisana okukhulu phakathi kwawo ^ar.

30 UPawuli wasehlala iminyaka emibili egcweleyo endlini yakhe uqobo ayeyiqhatshile, wemukela bonke abangena kuye ^as, 31 watshumayela umbuso kaNkulunkulu, njalo wafundisa ngeNkosi uJesu Kristu ^at, ngaso sonke isibindi, engelakuvinjelwa ^au.