Deu 12:6-7, 14-15, 16:11 | Ndebele | STEP | lilethe khona iminikelo yenu yokutshiswa, lemihlatshelo yenu, lokwetshumi kwenu, lomnikelo wokuphakanyiswa wesandla senu, lezithembiso zenu, leminikelo yenu yesihle , lamazibulo enkomo zenu lawezimvu zenu ;

a 12:11,17; Dute 14:22,23

b14:23, 15:19,20

c 12:18; Dute 14:26

d 12:12,18; Levi 23:40; Dute 14:26, 16:11,14,15, 26:11, 27:7

e 12:18; Dute 15:10, 23:20, 28:8,20

f 12:5,6

g 12:21

h 12:22

i 14:5, 15:22; 1 Kho 4:23

j12:7,12,18, 14:26, 16:14

Deuteronomy 12:6-7

6 lilethe khona iminikelo yenu yokutshiswa, lemihlatshelo yenu, lokwetshumi kwenu, lomnikelo wokuphakanyiswa wesandla senu, lezithembiso zenu, leminikelo yenu yesihle ^a, lamazibulo enkomo zenu lawezimvu zenu ^b; 7 lidle khona phambi kweNkosi uNkulunkulu wenu ^c, lithokoze ^d ngakho konke elibeke isandla senu kukho, lina labendlu yenu, iNkosi uNkulunkulu wakho ekubusise ngakho ^e.

Deuteronomy 12:14-15

14 kodwa endaweni iNkosi ezayikhetha kwesinye sezizwe zakho, lapho uzanikela iminikelo yakho yokutshiswa, lalapho uzakwenza konke engikulaya khona ^f. 15 Kanti ungahlaba udle inyama, phakathi kwawo wonke amasango akho, njengaso sonke isifiso somphefumulo wakho, njengokwesibusiso seNkosi uNkulunkulu wakho, ekunike sona ^g; ongahlambulukanga lohlambulukileyo angakudla ^h, njengomziki lanjengendluzele ⁱ.

Deuteronomy 16:11

11 Njalo uzathokoza phambi kweNkosi uNkulunkulu wakho, wena lendodana yakho lendodakazi yakho, lenceku yakho lencekukazi yakho, lomLevi ophakathi kwamasango akho, lowezizweni, lentandane, lomfelokazi, abaphakathi kwakho, endaweni iNkosi uNkulunkulu wakho ezayikhetha ukuhlalisa ibizo layo khona ^j.