Deu 19:2-4, Jos 20:2-6 | Ndebele | STEP | imizi emithathu uzazehlukanisela yona phakathi kwelizwe iN kosi uNkulunkulu wakho ekunika lona ukudla ilifa lalo .

Deuteronomy 19:2-4

2 imizi emithathu uzazehlukanisela yona phakathi kwelizwe iNkosi uNkulunkulu wakho ekunika lona ukudla ilifa lalo ^a. 3 Uzazilungisela indlela, wehlukanise umngcele welizwe lakho iNkosi uNkulunkulu wakho ekunika lona ukudla ilifa lalo, ube lezigaba ezintathu, ukuze wonke umbulali abalekele khona.

4 Lalolu ludaba lombulali ongabalekela khona ukuze aphile: Lowo otshaya umakhelwane wakhe kungeyisikho ngabomo, obengamzondi mandulo ^b,

Joshua 20:2-6

2 Khuluma kubantwana bakoIsrayeli uthi: Zikhetheleni imizi yokuphephela ^c engakhuluma ngayo kini ngesandla sikaMozisi, 3 ukuze umbulali obulala umuntu kungeyisikho ngabomo ^d engazi ^e abalekele khona. Njalo izakuba yisiphephelo kini kumphindiseli wegazi. 4 Nxa ebalekela komunye walimizi uzakuma emnyango wesango lomuzi ^f, akhulume udaba lwakhe ezindlebeni zabadala balowomuzi; babesebememukela kubo emzini, bamnike indawo ukuthi ahlale labo. 5 Uba-ke umphindiseli wegazi exotshana laye, kabayikunikela ^g umbulali esandleni sakhe, ngoba utshaye umakhelwane wakhe engazi ^h, ebengamzondi mandulo. 6 Uzahlala kulowomuzi aze eme phambi kwenhlangano kusenzelwa ukwahlulelwa ⁱ, kuze kube lokufa kompristi omkhulu ^j oyabe ekhona ngalezonsuku. Umbulali usengabuyela eze emzini wakibo lendlini yakhe, aye emzini abaleke khona.