Deu 28:2-14 | Ndebele | STEP | Lalezizibusiso zonke zizakuza phezu kwakho, zikufice, nxa ulalela ilizwi leN kosi uNkulunkulu wakho .

Deuteronomy 28:2-14

2 Lalezizibusiso zonke zizakuza phezu kwakho, zikufice, nxa ulalela ilizwi leNkosi uNkulunkulu wakho ^a.

3 Uzabusiswa emzini, ubusiswe futhi ensimini ^b.

4 Sizabusiswa isithelo sesizalo sakho, lesithelo somhlaba wakho, lenzalo yezifuyo zakho ^c, umqegu wenkomo zakho, lamazinyane ezimvu zakho ^d.

5 Kuzabusiswa isitsha sakho ^e, lomganu wakho wokuxovela izinkwa.

6 Uzabusiswa ekungeneni kwakho, ubusiswe ekuphumeni kwakho ^f.

7 INkosi izakwenza izitha zakho ezikuvukelayo zitshaywe phambi kwakho; zizaphuma ukumelana lawe ngandlelanye, zibaleke phambi kwakho ngezindlela eziyisikhombisa ^g.

8 INkosi izalaya isibusiso phezu kwakho, eziphaleni zakho ^h lakukho konke obeka kukho isandla sakho, ikubusise elizweni iNkosi uNkulunkulu wakho ekunika lona ⁱ.

9 INkosi izazimisela wena ube yisizwe esingcwele, njengokufunga kwayo kuwe, uba ugcina imilayo yeNkosi uNkulunkulu wakho, uhambe endleleni zayo ^j. 10 Labo bonke abantu basemhlabeni bazabona ukuthi ibizo leNkosi libizwa phezu kwakho ^k, bakwesabe ^l. 11 LeNkosi izakwandisela okuhle, esithelweni sesizalo sakho, lenzalweni yezifuyo zakho, lesithelweni somhlaba wakho, elizweni iNkosi eyafungela oyihlo ukukunika lona ^m. 12 INkosi izakuvulela okuligugu kwayo okulungileyo, amazulu, ukunika izulu elizweni lakho ngesikhathi salo ⁿ, lokubusisa umsebenzi wonke wesandla sakho ^o; njalo uzakweboleka izizwe ezinengi, kodwa wena ungeboleki kuzo ^p. 13 INkosi izakwenza ube yinhloko, ungabi ngumsila; uzakuba ngaphezulu kuphela, ungabi ngaphansi, uba ulalela imilayo yeNkosi uNkulunkulu wakho engikulaya yona lamuhla ukuyigcina lokuyenza ^q. 14 Ungaphambuki lakwelilodwa lamazwi engililaya wona lamuhla, ukuya ngakwesokunene langakwesokhohlo, ukulandela abanye onkulunkulu ukubakhonza ^r.