Deu 4:29-31, 1Ki 8:47-50 | Ndebele | STEP | Kodwa lilapho liyidinge iN kosi uNkulunkulu wakho, uzayithola uba uyidinga ngenhliziyo yakho yonke langomphefumulo wakho wonke .

Deuteronomy 4:29-31

29 Kodwa lilapho liyidinge iNkosi uNkulunkulu wakho, uzayithola uba uyidinga ngenhliziyo yakho yonke langomphefumulo wakho wonke ^a. 30 Lapho usekuhluphekeni, lezizinto zonke zikwehlela, ekupheleni kwezinsuku ^b, uzaphendukela eNkosini uNkulunkulu wakho, ulalele ilizwi layo ^c; 31 ngoba iNkosi uNkulunkulu wakho inguNkulunkulu olomusa, kayiyikukutshiya, kayiyikukubhubhisa, kayiyikukhohlwa isivumelwano saboyihlo, eyasifunga kubo ^d.

1 Kings 8:47-50

47 kodwa babuye enhliziyweni yabo elizweni abathunjelwe kilo, baphenduke, bancenge kuwe elizweni lababathumbileyo ^e, besithi: Sonile ^f, saphambeka, senza okubi ^g; 48 babuyele kuwe ngenhliziyo yonke yabo langomphefumulo wonke wabo elizweni lezitha zabo ezibathumbileyo ^h, bakhuleke kuwe bekhangele elizweni labo owalinika oyise, umuzi owawukhethayo, lendlu engiyakhele ibizo lakho ⁱ, 49 zwana-ke usemazulwini umkhuleko wabo lokuncenga kwabo, endaweni yakho yokuhlala ^j, ubamele. 50 Uthethelele abantu bakho abone kuwe, leziphambeko zabo zonke, abaphambeke ngazo kuwe, ubaphe isihawu phambi kwababathumbileyo, ukuthi babe lesihawu kibo ^k,