Deu 9:18, 26-29, Psa 74:1-2, 106:23 | Ndebele | STEP | Ngasengiziwisela phansi phambi kweN kosi njengakuqala, insuku ezingamatshumi amane lobusuku obungamatshumi amane , ngingadli sinkwa, nginganathi manzi, ngenxa yaso sonke isono senu elisonileyo, lisenza okubi emehlweni eN kosi , liyithukuthelisa .

‏ Deuteronomy 9:18

18 Ngasengiziwisela phansi phambi kweNkosi ^a njengakuqala, insuku ezingamatshumi amane lobusuku obungamatshumi amane ^b, ngingadli sinkwa, nginganathi manzi, ngenxa yaso sonke isono senu elisonileyo, lisenza okubi emehlweni eNkosi, liyithukuthelisa ^c.

‏ Deuteronomy 9:26-29

26 Ngasengikhuleka eNkosini ngathi: Nkosi Jehova, ungabachithi abantu bakho lelifa lakho, obahlenge ngobukhulu bakho, owabakhupha eGibhithe ngesandla esilamandla ^d. 27 Khumbula inceku zakho, uAbrahama, uIsaka, loJakobe; ungakhangeli inkani yalababantu lobubi babo lesono sabo, 28 hlezi ilizwe owasikhupha kilo lithi: Ngenxa yokuthi iNkosi yayingelamandla okubangenisa elizweni eyabathembisa lona, langenxa yokuthi ibazonda, yabakhupha ukuze ibabulalele enkangala ^e. 29 Kube kanti bangabantu bakho lelifa lakho, owabakhupha ngamandla akho amakhulu langengalo yakho eyeluliweyo ^f.

‏ Psalms 74:1-2

IMasikili kaAsafi

1 Nkulunkulu, usilahleleni kokuphela? Ulaka lwakho luvuthelani ngakuzo izimvu zedlelo lakho? 2 Khumbula ibandla lakho owalithenga endulo, intonga yelifa lakho owayihlengayo, le intaba yeZiyoni ohlala kuyo.

‏ Psalms 106:23

23 Ngakho wathi ^g uzababhubhisa ^h, ngaphandle kokuthi uMozisi okhethiweyo wakhe wayemile ⁱ ekufohleni phambi kwakhe ^j ukuphendula ulaka lwakhe ukuze angababhubhisi ^k.