Exo 10:12-15, Psa 105:34-35 | Ndebele | STEP | IN kosi yasisithi kuMozisi: Yelula isandla sakho phezu kwelizwe leGibhithe , ngenxa yesikhonyane, ukuze senyukele phezu kwelizwe leGibhithe, sidle wonke umbhida welizwe lakho konke isiqhotho esikutshiyileyo .

a7:19, 9:22, 10:21

Exodus 10:12-15

12 INkosi yasisithi kuMozisi: Yelula isandla sakho phezu kwelizwe leGibhithe ^a, ngenxa yesikhonyane, ukuze senyukele phezu kwelizwe leGibhithe, sidle wonke umbhida welizwe lakho konke isiqhotho esikutshiyileyo ^b. 13 UMozisi waseyelula intonga yakhe phezu kwelizwe leGibhithe; iNkosi yasiqhuba umoya wempumalanga elizweni, lonke lolosuku lobusuku bonke; kwasekusithi ekuseni, umoya wempumalanga wenyusa isikhonyane. 14 Isikhonyane sasesisenyukela phezu kwelizwe lonke leGibhithe ^c, sehlela emngceleni wonke weGibhithe, esinzima kakhulu. Phambi kwaso akuzange kube khona isikhonyane esinjalo njengaso, futhi kakuyikuba khona esinjalo emva kwaso ^d. 15 Ngoba sasibekela ubuso belizwe lonke, kwaze kwafiphazwa ilizwe; sadla wonke umbhida welizwe laso sonke isithelo sezihlahla isiqhotho esasitshiyayo ^e; kakusalanga lutho oluluhlaza esihlahleni, lombhida weganga, elizweni lonke leGibhithe.

Psalms 105:34-35

34 Yakhuluma ^f, kwasekuvela isikhonyane ^g lemihogoyi, okungelakubalwa ^h, 35 okwaqeda yonke imibhida elizweni labo, kwaqeda isithelo somhlabathi wabo.