Exo 17:8-16, Num 24:20, 1Sa 15:2-3 | Ndebele | STEP | Kwasekufika uAmaleki, walwa loIsrayeli eRefidimi.

Exodus 17:8-16

Ukulwa kwabo loAmaleki

8 Kwasekufika uAmaleki, walwa loIsrayeli eRefidimi. ^a 9 UMozisi wasesithi kuJoshuwa ^b: Sikhethele amadoda, uphume uyekulwa loAmaleki; kusasa ngizakuma engqongeni yoqaqa, lentonga kaNkulunkulu izakuba sesandleni sami ^c. 10 UJoshuwa wasesenza njengokutsho kukaMozisi kuye, walwa loAmaleki. OMozisi, uAroni loHuri basebesenyukela engqongeni yoqaqa. 11 Kwasekusithi lapho uMozisi ephakamisa isandla sakhe, uIsrayeli waba lamandla; kodwa lapho wehlisa isandla sakhe, uAmaleki waba lamandla. 12 Kodwa izandla zikaMozisi zaba nzima, ngakho bathatha ilitshe, balibeka ngaphansi kwakhe, ukuthi ahlale kulo. OAroni loHuri basebesekela izandla zakhe, omunye engapha lomunye engale, ukuze izandla zakhe ziqine lize litshone ilanga. 13 UJoshuwa wasemchitha uAmaleki labantu bakhe ngobukhali benkemba.

14 INkosi yasisithi kuMozisi: Bhala ^d lokhu egwalweni kube yisikhumbuzo, ukubeke ezindlebeni zikaJoshuwa ukuthi ngokwesula ngizakwesula ukukhunjulwa kukaAmaleki ngaphansi kwamazulu ^e. 15 UMozisi wasesakha ilathi, wabiza ibizo lalo ngokuthi: UJehova-nisi; 16 wathi: Ngoba isandla sisesihlahleni sobukhosi seNkosi, iNkosi izakuba lempi imelene loAmaleki kusukela kusizukulwana kusiya kusizukulwana.

Numbers 24:20

20 Esebone uAmaleki, waphakamisa umfanekiso wakhe wathi:

UAmaleki wayengowokuqala wezizwe, kodwa ukucina kwakhe kuyikubhubha okupheleleyo.

1 Samuel 15:2-3

2 Itsho njalo iNkosi yamabandla ithi: Ngizananzelela lokho uAmaleki akwenza kuIsrayeli ^f, ukuthi wema njani emelene laye endleleni ekwenyukeni kwakhe eGibhithe ^g. 3 Hamba-ke uyetshaya uAmaleki, utshabalalise konke alakho; ungamyekeli ^h, kodwa ubulale kusukela kowesilisa kusiya kowesifazana, kusukela kusane kusiya komunyayo, kusukela enkabini kusiya emvini, kusukela ekamelweni kusiya kubabhemi ⁱ.