Exo 23:31, Deu 1:7, 11:24, Jos 1:4, 1Ki 4:21, 2Ch 9:26, Isa 27:12 | Ndebele | STEP | Njalo ngizamisa imingcele yakho kusukela eLwandle oluBomvu kuze kufike elwandle lwamaFilisti, njalo kusukela enkangala kuze kufike emfuleni; ngoba ngizanikela esandleni sakho abakhileyo belizwe ; uzabaxotsha phambi kwakho.

Exodus 23:31

31 Njalo ngizamisa imingcele yakho ^a kusukela eLwandle oluBomvu kuze kufike elwandle lwamaFilisti, njalo kusukela enkangala kuze kufike emfuleni; ngoba ngizanikela esandleni sakho abakhileyo belizwe ^b; uzabaxotsha phambi kwakho.

Deuteronomy 1:7

7 Phendukani lisuke, liye entabeni yamaAmori, lendaweni ezakhelene lawo, egcekeni, entabeni, lesihotsheni, leningizimu, lekhunjini lolwandle, ilizwe lamaKhanani, leLebhanoni, kuze kube semfuleni omkhulu, umfula iYufrathi.

Deuteronomy 11:24

24 Yonke indawo lapho ingaphansi yonyawo lwenu ezanyathela khona izakuba ngeyenu ^c; kusukela enkangala, leLebhanoni, kusukela emfuleni, umfula iYufrathi ^d, kuze kufike elwandle lokucina, kuzakuba ngumngcele wenu ^e.

Joshua 1:4

4 Kusukela enkangala ^f lale iLebhanoni kuze kufike emfuleni omkhulu, umfula iYufrathi ^g, ilizwe lonke lamaHethi, njalo kufike elwandle olukhulu lapho okutshona khona ilanga, kuzakuba ngumngcele wenu.

1 Kings 4:21

21 USolomoni wayesebusa phezu kwayo yonke imibuso ^h kusukela emfuleni kuze kufike elizweni lamaFilisti ⁱ kuze kufike emngceleni weGibhithe; babeletha izipho, babemsebenzela uSolomoni zonke izinsuku zempilo yakhe ^j.

2 Chronicles 9:26

26 Wasebusa phezu kwawo wonke amakhosi kusukela eMfuleni kuze kube selizweni lamaFilisti, njalo kuze kube semngceleni weGibhithe ^k.

Isaiah 27:12

12 Kuzakuthi-ke ngalolosuku ^l iNkosi ibhule ^{m
,} ⁿ kusukela esifudlaneni somfula ^o kuze kube semfuleni weGibhithe ^p; lina-ke lizabuthwa ngamunye ngamunye, bantwana bakoIsrayeli.