Exo 30:1-10 | Ndebele | STEP | Uzakwenza lelathi lokutshisela impepha , ulenze ngesihlahla sesinga .

a 37:25, 40:5; Levi 4:7; Isam 8:3; Eks 29:7,8

b30:4, 25:11

c 27:2

d 25:27

Exodus 30:1-10

1 Uzakwenza lelathi lokutshisela impepha ^a, ulenze ngesihlahla sesinga ^b. 2 Ubude balo bube yingalo, lobubanzi balo ingalo, lilingane inhlangothi zozine; lokuphakama kwalo kube zingalo ezimbili; impondo zalo zizavela kulo ^c. 3 Njalo ulihuqe ngegolide elicwengekileyo, ingaphezulu yalo, lenhlangothi zalo ezilizingelezeleyo, lempondo zalo; wenze kulo umqolo wegolide olizingelezeleyo. 4 Wenze njalo amasongo amabili egolide, ngaphansi komqolo walo, enhlangothini ezimbili zalo; wenze enhlangothini zalo zombili; azakuba zindawo zemijabo ezokulithwala ngayo ^d. 5 Njalo wenze imijabo ngesihlahla sesinga, uyihuqe ngegolide. 6 Uzalibeka phambi kweveyili elingasemtshokotshweni wobufakazi, phambi kwesihlalo somusa ^e esiphezu kobufakazi, lapho engizahlangana khona lawe. 7 Njalo uAroni atshisele kulo impepha elephunga elimnandi ukusa ngokusa, eselungise izibane ^f uzayitshisa; 8 lapho uAroni elumathisa izibane kusihlwa, ayitshise; yimpepha eqhubekayo phambi kweNkosi ezizukulwaneni zenu. 9 Linganikeleli kulo impepha engejwayelekanga ^g kumbe umnikelo wokutshiswa kumbe umnikelo wokudla; njalo lingatheli kulo umnikelo wokunathwayo. 10 UAroni uzakwenza inhlawulo yokuthula empondweni zalo ^h kanye ngomnyaka, ngegazi lomnikelo wesono wezinhlawulo zokuthula ⁱ; kanye ngomnyaka uzakwenza inhlawulo yokuthula kulo ezizukulwaneni zenu; liyingcwelengcwele eNkosini.