Exo 33:4-6, Eze 7:11, 20, 16:7 | Ndebele | STEP | Kwathi abantu sebezwile lelilizwi elibi, balila ; njalo kakulamuntu owafaka izigqizo zakhe ;

Exodus 33:4-6

4 Kwathi abantu sebezwile lelilizwi elibi, balila ^a; njalo kakulamuntu owafaka izigqizo zakhe ^b; 5 ngoba iNkosi yayithe kuMozisi: Tshono ebantwaneni bakoIsrayeli uthi: Lingabantu abantamo zilukhuni ^c; ngisenyuka ngiphakathi kwakho ngokucwayiza kwelihlo ^d, ngizakuqeda ^e. Ngakho-ke khupha izigqizo zakho kuwe ukuze ngazi engizakwenza kuwe. 6 Abantwana bakoIsrayeli basebezihlubula izigqizo zabo kusukela entabeni yeHorebe.

Ezekiel 7:11

11 Udlakela lusukume ^f lwaba yintonga yobubi ^{g
,} ^h; kakuyikusala kubo, hatshi-ke exukwini labo ⁱ, hatshi-ke okwabo, njalo kakuyikuba khona ukuqhinqa isililo phakathi kwabo ^j.

Ezekiel 7:20

20 Lobuhle besiceciso sakhe ^k wabumisa ebukhosini ^{l
,} ^m, kodwa benza kubo imifanekiso ⁿ yokunengekayo kwabo ^o lezinengiso zabo ^p; ngenxa yalokho ngibumise bube yinto engcolileyo kubo.

Ezekiel 16:7

7 Ngikwenzile waba linani elikhulu, waba njengehlumela leganga, wanda, wakhula ^q, wafika emicecisweni emihle ^r; amabele akho abumbekile, lenwele zakho zakhula; kanti wawunqunu uze ^s.