Gen 28:14, Exo 34:24, Deu 11:24, 19:8-9 | Ndebele | STEP | njalo inzalo yakho izakuba ngangothuli lomhlaba , uzasabalalela entshonalanga lempumalanga lenyakatho leningizimu ; njalo zizabusiswa kuwe zonke insendo zomhlaba, lasenzalweni yakho .

Genesis 28:14

14 njalo inzalo yakho izakuba ngangothuli lomhlaba ^a, uzasabalalela entshonalanga lempumalanga lenyakatho leningizimu ^b; njalo zizabusiswa kuwe zonke insendo zomhlaba, lasenzalweni yakho ^c.

Exodus 34:24

24 Ngoba ngizaxotsha izizwe phambi kwakho ^d, ngiqhelise imingcele yakho ^e; njalo kakuyikuba lamuntu ofisa ilizwe lakho ^f nxa usenyuka ukuyabonakala phambi kweNkosi uNkulunkulu wakho, kathathu ngomnyaka.

Deuteronomy 11:24

24 Yonke indawo lapho ingaphansi yonyawo lwenu ezanyathela khona izakuba ngeyenu ^g; kusukela enkangala, leLebhanoni, kusukela emfuleni, umfula iYufrathi ^h, kuze kufike elwandle lokucina, kuzakuba ngumngcele wenu ⁱ.

Deuteronomy 19:8-9

8 Uba-ke iNkosi uNkulunkulu wakho ^j iqhelisa umngcele wakho ^k, njengokufunga kwayo kuboyihlo, ikunika ilizwe lonke eyakhuluma ngalo ukubanika oyihlo ^l, 9 uba ugcina yonke limithetho ukuyenza engikulaya yona lamuhla, ukuthanda iNkosi uNkulunkulu wakho, lokuhamba endleleni zayo izinsuku zonke, khona uzazengezelelela eminye imizi emithathu ngaphandle kwaleyo emithathu ^m.