Exo 39:27-29, 41, Eze 44:17-18 | Ndebele | STEP | Basebebenzela oAroni lamadodana akhe izigqoko ngelembu elicolekileyo kakhulu lomsebenzi owelukiweyo,

Exodus 39:27-29

27 Basebebenzela oAroni lamadodana akhe izigqoko ^a ngelembu elicolekileyo kakhulu lomsebenzi owelukiweyo, 28 leqhiye yelembu elicolekileyo kakhulu, lezingowane ezinhle zelembu elicolekileyo kakhulu, labokabhudula bangaphansi belembu elicolekileyo kakhulu lentambo ephothiweyo, 29 lebhanti lelembu elicolekileyo kakhulu lentambo ephothiweyo lokuluhlaza okwesibhakabhaka lokuyibubende lokubomvu, umsebenzi womfekethisi ngenalithi, njengokulaya kweNkosi kuMozisi.

Exodus 39:41

41 izembatho zomsebenzi zokusebenza endaweni engcwele, izembatho ezingcwele zikaAroni umpristi, lezembatho zamadodana akhe ukuze basebenze njengabapristi.

Ezekiel 44:17-18

17 Kuzakuthi-ke lapho bengena emasangweni eguma elingaphakathi ^{b
,} ^c, bagqoke izembatho zelembu elicolekileyo ^d, kodwa uboya bezimvu kabuyikuza phezu kwabo, besakhonza emasangweni eguma elingaphakathi, langaphakathi. 18 Kuzakuba lamaqhiye ^e elembu elicolekileyo emakhanda abo ^f, labokabhudula bangaphansi ^g belembu elicolekileyo ^h babe enkalweni zabo, bangabhinci ngokuginqisayo.