Eze 34:11-16 | Ndebele | STEP | Ngoba itsho njalo iNkosi uJehova: Khangela, mina , ngitsho mina ngizafuna izimvu zami , ngizidinge .

Ezekiel 34:11-16

11 Ngoba itsho njalo iNkosi uJehova: Khangela, mina ^a, ngitsho mina ngizafuna izimvu zami ^b, ngizidinge ^c. 12 Njengomalusi ^d edinga umhlambi wakhe ngosuku ephakathi kwezimvu zakhe ezihlakazekileyo ^e, ngokunjalo ngizadinga izimvu zami, ngizophule kuzo zonke izindawo lapho ezihlakazekele khona ngosuku lweyezi ^f lolomnyama ^{g
,} ^h. 13 Ngizazikhupha ebantwini, ngizibuthe emazweni, ngizise elizweni lazo ⁱ, ngizeluse phezu kwezintaba zakoIsrayeli ^j ngasemifuleni lakuzo zonke indawo zokuhlala zelizwe ^k. 14 Ngizazelusa edlelweni elivundileyo ^l, lesibaya sazo sizakuba sezintabeni eziphakemeyo zakoIsrayeli ^m. Zizalala lapho esibayeni esihle ⁿ, zidle edlelweni elihle ^o ezintabeni zakoIsrayeli ^p. 15 Mina ngizawelusa umhlambi wami ^q, mina ngiwulalise phansi, itsho iNkosi uJehova ^r. 16 Ngizadinga ezilahlekileyo ^s, ngibuyise ezixotshiweyo ^t, ngibophe ezephukileyo ^u, ngiqinise ezigulayo ^v; kodwa ezinonileyo leziqinileyo ngizazibhubhisa ^w, ngizeluse ngesahlulelo ^x.