Eze 36:10, 33-36 | Ndebele | STEP | Njalo ngizakwandisa abantu phezu kwenu, yonke indlu kaIsrayeli, yona yonke ; lemizi izahlalwa , lamanxiwa azakwakhiwa .

Ezekiel 36:10

10 Njalo ngizakwandisa abantu phezu kwenu, yonke indlu kaIsrayeli, yona yonke ^a; lemizi izahlalwa ^b, lamanxiwa azakwakhiwa ^{c
,} ^d.

Ezekiel 36:33-36

33 Itsho njalo iNkosi uJehova: Mhla ngilihlambulula kubo bonke ububi benu ^e, ngizakwenza imizi ihlalwe ^{f
,} ^g, lamanxiwa akhiwe ^h. 34 Lelizwe elichithekileyo lizalinywa, endaweni yokuthi beliyinkangala emehlweni abo bonke abadlulayo ⁱ. 35 Njalo bazakuthi: Lelilizwe ebeselichithekile selinjengesivande seEdeni; lemizi eyinkangala lengamanxiwa lediliziweyo isibiyelwe yahlalwa ^j. 36 Khona izizwe ezisele zilizingelezele zizakwazi ukuthi mina iNkosi ^k ngakha indawo ezidiliziweyo ^l, ngihlanyele ezichithekileyo ^m. Mina Nkosi ngikhulumile, ngizakwenza ⁿ.