Eze 42 | Ndebele | STEP | Wasengikhuphela egumeni elingaphandle , ngendlela ekhangele ngasenyakatho; wangiletha ekamelweni eliqondene lendawo eyehlukeneyo , njalo eliqondene lesakhiwo ngasenyakatho .

1 Wasengikhuphela egumeni elingaphandle ^a, ngendlela ekhangele ngasenyakatho; wangiletha ekamelweni eliqondene ^b lendawo eyehlukeneyo ^c, njalo eliqondene lesakhiwo ngasenyakatho ^d. 2 Phambi kobude bezingalo ezilikhulu kwakulomnyango wenyakatho ^e; lobubanzi babuzingalo ezingamatshumi amahlanu ^f. 3 Maqondana lezingalo ezingamatshumi amabili ezazingezeguma langaphakathi ^g, lamaqondana lendawo egandelweyo eyayingeyeguma elingaphandle ^h, kwakulomkhandlo maqondana lomkhandlo ⁱ, ngezitezi ezintathu ^j. 4 Laphambi kwamakamelo ^{k
,} ^l kwakulendawo yokuhamba ezingalo ezilitshumi ngobubanzi ngaphakathi, indlela eyingalo eyodwa ^m, leminyango yawo yayingasenyakatho ⁿ. 5 Amakamelo angaphezulu-ke ayemafitshane ^o; ngoba imikhandlo ^p yayinciphisa kuwo ^q, kulakwaphansi ^r lakulakwaphakathi kwesakhiwo. 6 Ngoba ayelezitezi ezintathu, kodwa zazingelazinsika njengezinsika zamaguma; ngakho-ke isakhiwo sasinciphile ^s kulakwaphansi lakulakwaphakathi kusukela emhlabathini ^{t
,} ^u. 7 Lomduli owawungaphandle ^v maqondana lamakamelo ^w, indlela yeguma elingaphandle ngaphambi kwamakamelo, ubude bawo babuzingalo ezingamatshumi amahlanu ^x. 8 Ngoba ubude bamakamelo ayesegumeni elingaphandle babuzingalo ezingamatshumi amahlanu; khangela-ke, ngaphambi kwethempeli kwakuzingalo ezilikhulu ^{y
,} ^z. 9 Langaphansi kwalamakamelo kwakulokungena ngasempumalanga ^aa, lapho umuntu engena kuwo evela egumeni elingaphandle. 10 Amakamelo ayesebubanzini bomduli weguma ^ab, indlela yempumalanga, ngaphambi kwendawo eyehlukanisiweyo ^ac, langaphambi kwesakhiwo ^ad. 11 Lendlela phambi kwawo ^ae yayinjengesimo samakamelo ayesendleleni yenyakatho ^af, njengobude bawo ^ag, ngokunjalo njengobubanzi bawo. Lakho konke ukuphuma kwawo kwakunjengokwemikhuba yawo lanjengokweminyango yawo ^ah. 12 Lanjengokweminyango yamakamelo ayesendleleni yeningizimu kwakulomnyango esihlokweni sendlela ^ai, indlela phambi komduli oqondileyo, lapho umuntu engena indlela yempumalanga ^aj.

13 Wasesithi kimi: Amakamelo enyakatho lamakamelo eningizimu ^ak, aphambi kwendawo eyehlukanisiweyo ^al, angamakamelo angcwele, lapho abapristi ^am abasondela eNkosini abazakudla ^an khona izinto ezingcwelengcwele ^ao; babeke khona izinto ezingcwelengcwele, lomnikelo wokudla ^{ap
,} ^{aq
,} ^ar, lomnikelo wesono ^{as
,} ^{at
,} ^au, lomnikelo wecala ^{av
,} ^{aw
,} ^ax, ngoba indawo ingcwele. 14 Lapho abapristi bengena, kabayikuphuma endaweni engcwele baye egumeni elingaphandle, kodwa bazabeka lapho izembatho zabo abakhonza ngazo ^ay, ngoba zingcwele; bagqoke ezinye izembatho ^az, basondele kukho okungokwabantu ^ba.

15 Eseqedile izilinganiso zendlu engaphakathi, wangikhupha ngendlela yesango elikhangele indlela yempumalanga ^bb, wayilinganisa inhlangothi zonke ezizingelezeleyo. 16 Walinganisa uhlangothi lwempumalanga ngomhlanga wokulinganisa ^bc, imihlanga engamakhulu amahlanu, ngomhlanga wokulinganisa inhlangothi zonke. 17 Walinganisa uhlangothi lwenyakatho, imihlanga engamakhulu amahlanu, ngomhlanga wokulinganisa inhlangothi zonke. 18 Walinganisa uhlangothi olungeningizimu, imihlanga engamakhulu amahlanu, ngomhlanga wokulinganisa.

19 Wasephendukela kuhlangothi lwentshonalanga, walinganisa imihlanga engamakhulu amahlanu ngomhlanga wokulinganisa. 20 Wayilinganisa ezinhlangothini zozine. Yayilomduli inhlangothi zonke uzingelezele ^bd, ubude bangamakhulu amahlanu ^be, lobubanzi bungamakhulu amahlanu, ukwehlukanisa phakathi kokungcwele lokungangcwele ^bf.