Exo 12:48-49, Ezr 9:1, Neh 9:2, 10:28, Est 8:17, 9:27 | Ndebele | STEP | Uba owemzini ohlala lani njengowezizwe egcinela iN kosi iphasika, kabasokwe bonke abesilisa laye, abesesondela-ke aligcine, uzakuba njengowokuzalwa elizweni ; kodwa kakho ongasokwanga ozalidla.

Exodus 12:48-49

48 Uba owemzini ohlala lani njengowezizwe ^a egcinela iNkosi iphasika, kabasokwe bonke abesilisa laye, abesesondela-ke aligcine, uzakuba njengowokuzalwa elizweni ^b; kodwa kakho ongasokwanga ozalidla. 49 Umlayo munye uzakuba kowokuzalwa elizweni lakowemzini ohlala phakathi kwenu njengowezizwe ^c.

Ezra 9:1

1 Kwathi ekupheleni kwalezizinto, iziphathamandla zasondela kimi zisithi: Abantu bakoIsrayeli labapristi lamaLevi kabazehlukanisanga lezizwe zamazwe ^d ngokwezinengiso zazo ^e, ezamaKhanani, amaHethi, amaPerizi, amaJebusi ^f, amaAmoni, amaMowabi, amaGibhithe, lamaAmori ^g.

Nehemiah 9:2

2 Inzalo yakoIsrayeli yasizehlukanisa labo bonke abezizweni; basebesima bavuma izono zabo lobubi baboyise ^h.

Nehemiah 10:28

28 Labantu abaseleyo, abapristi, amaLevi ⁱ, abalindimasango, abahlabeleli, amaNethini, labo bonke abazehlukanise labantu bamazwe baya emlayweni kaNkulunkulu, omkabo, amadodana abo, lamadodakazi abo, wonke owaziyo, oqedisisayo ^j,

Esther 8:17

17 Lakuso sonke isabelo ngesabelo lakuwo wonke umuzi ngomuzi endaweni lapho ilizwi lenkosi lomthetho wayo okwafika khona amaJuda aba lentokozo, lenjabulo, idili, losuku oluhle. Labanengi babantu belizwe baba ngamaJuda, ngoba ukwesaba amaJuda kwabehlela.

Esther 9:27

27 amaJuda amisa azemukelela wona lenzalo yawo labo bonke abazihlanganisa lawo, ukuze bangeqi, ukugcina lezinsuku ezimbili, njengokombhalo wazo, lanjengokwesikhathi sazo esimisiweyo, kuwo wonke umnyaka lomnyaka,