Gen 15:18, Exo 23:31, Num 34:3-12, Deu 1:7, Jos 1:4 | Ndebele | STEP | Ngalolosuku iN kosi yenza isivumelwano loAbrama isithi: Enzalweni yakho nginikele lelilizwe , kusukela emfuleni weGibhithe kuze kube semfuleni omkhulu, umfula iYufrathi,

Genesis 15:18

18 Ngalolosuku iNkosi yenza isivumelwano loAbrama isithi: Enzalweni yakho nginikele lelilizwe ^a, kusukela emfuleni weGibhithe ^b kuze kube semfuleni omkhulu, umfula iYufrathi,

Exodus 23:31

31 Njalo ngizamisa imingcele yakho ^c kusukela eLwandle oluBomvu kuze kufike elwandle lwamaFilisti, njalo kusukela enkangala kuze kufike emfuleni; ngoba ngizanikela esandleni sakho abakhileyo belizwe ^d; uzabaxotsha phambi kwakho.

Numbers 34:3-12

3 Legumbi lenu leningizimu lizakuba kusukela enkangala yeZini, enhlangothini zeEdoma ^e. Njalo uzakuba ngumngcele wenu weningizimu kusukela ekucineni kolwandle lwetshwayi empumalanga ^f. 4 Umngcele wenu uzajika uvela eningizimu usiya emqansweni weAkirabimi, wedlulele eZini ^g; lokuphuma kwawo kuzavela eningizimu kuye eKadeshi-Bhaneya ^h; uzaphuma uye eHazari-Adari, wedlulele eAzimoni ⁱ. 5 Lomngcele uzajika uvela eAzimoni uye esifuleni seGibhithe ^j; lokuphuma kwawo kuzakuba selwandle. 6 Mayelana lomngcele wentshonalanga, ulwandle olukhulu luzakuba ngumngcele wenu; lona luzakuba ngumngcele wenu ngentshonalanga. 7 Lalokhu kuzakuba ngumngcele wenu wenyakatho: Kusukela elwandle olukhulu lizazidwebela intaba yeHori; 8 kusukela entabeni yeHori ^k lizadweba umngcele oya ekungeneni kweHamathi ^l, lokuphuma komngcele kuye eZedadi ^m. 9 Lomngcele uzaphuma uye eZifroni, lokuphuma kwawo kuzakuba eHazari-Enani ⁿ. Lo uzakuba ngumngcele wenu wenyakatho. 10 Njalo lizazidwebela umngcele wenu wempumalanga kusukela eHazari-Enani kusiya eShefamu; 11 lomngcele uzakwehla uvela eShefamu uye eRibila empumalanga kweAyini ^o, lomngcele wehle ufike eceleni kolwandle lweKinerethi ngempumalanga ^p. 12 Umngcele uzakwehlela-ke eJordani, lokuphuma kwawo kuzakuba solwandle lwetshwayi ^q. Leli lizakuba yilizwe lenu ngemingcele yalo inhlangothi zonke.

Deuteronomy 1:7

7 Phendukani lisuke, liye entabeni yamaAmori, lendaweni ezakhelene lawo, egcekeni, entabeni, lesihotsheni, leningizimu, lekhunjini lolwandle, ilizwe lamaKhanani, leLebhanoni, kuze kube semfuleni omkhulu, umfula iYufrathi.

Joshua 1:4

4 Kusukela enkangala ^r lale iLebhanoni kuze kufike emfuleni omkhulu, umfula iYufrathi ^s, ilizwe lonke lamaHethi, njalo kufike elwandle olukhulu lapho okutshona khona ilanga, kuzakuba ngumngcele wenu.