Heb 3 | Ndebele | STEP | Ngakho, bazalwane abangcwele , bahlanganyeli bobizo lwasezulwini , qaphelani umphostoli lompristi omkhulu wovumo lwethu, uKristu Jesu ,

1 Ngakho, bazalwane abangcwele ^a, bahlanganyeli bobizo lwasezulwini ^{b
,} ^c, qaphelani umphostoli ^d lompristi omkhulu ^e wovumo lwethu, uKristu Jesu ^f, 2 othembeke kulowo owammisayo ^{▼▼ owammisayo: kumbe, owamenzayo.}, njengoMozisi ^h laye wayenjalo endlini yakhe yonke. 3 Ngoba kwathiwa lo ufanele udumo olukhulu kuloMozisi, njengoba ulodumo olukhulu kulendlu ayakhileyo ^{i
,} ^j. 4 Ngoba yonke indlu yakhiwa ngothile ^k; kodwa owakha izinto zonke nguNkulunkulu ^{l
,} ^m. 5 UMozisi ⁿ kambe wayethembekile ^o endlini yonke yakhe njengenceku ^p, kuze kube yibufakazi bezinto ebezizakhulunywa ^q; 6 kodwa uKristu njengendodana phezu kwendlu yakhe ^r; esiyindlu yakhe thina ^s, uba-ke sibambelela ^t ngokuqina isibindi ^u lokuziqhenya ^v kwethemba ^w kuze kube sekupheleni ^x.

Abakholwayo kabangadeleli ilizwi lakhe

7 Ngakho njengoba uMoya oyiNgcwele ^y esithi: Lamuhla ^z uba lilizwa ilizwi lakhe, 8 lingazenzi zibe lukhuni inhliziyo zenu, njengekucunuleni, ngosuku lokulingwa enkangala, 9 lapho oyihlo bangilinga, bengihlola, basebebona imisebenzi yami okweminyaka engamatshumi amane ^aa; 10 ngakho ngasithukuthelela lesosizukulwana, ngathi: Bayaduha kokuphela enhliziyweni; lalaba kabazazanga indlela zami; 11 ngaze ngafunga ^ab ekuthukutheleni kwami ngathi: Kabayikungena ^{▼▼ kabayikungena: Gr., uba bezangena.} ekuphumuleni kwami. 12 Nanzelelani, bazalwane, hlezi kuzakuba khona loba nini phakathi komunye wenu inhliziyo embi yokungakholwa, ekuduheni kuNkulunkulu ophilayo ^ad; 13 kodwa khuthazanani ^ae insuku ngensuku, kusathiwa lamuhla, ukuze kungabi khona kini owenziwa lukhuni ngenkohliso yesono ^af; 14 ngoba sesibe ngabahlanganyeli bakaKristu, uba-ke sibambisisa ^ag isiqalo sokuqiniseka ^ah kuze kube sekupheleni ^ai; 15 kusathiwa: Lamuhla ^aj uba lilizwa ilizwi lakhe, lingazenzi zibe lukhuni inhliziyo zenu, njengekucunuleni. 16 Ngoba abanye ^ak sebezwile bathukuthelisa ^al, kodwa kakusibo bonke ^am labo abaphuma eGibhithe ngoMozisi. 17 Kodwa ngobani athukutheliswa yibo okweminyaka engamatshumi amane? Kakusibo labo abonayo yini, abazidumbu zabo zawela enkangala ^{an
,} ^ao? 18 Ngobani-ke afunga kubo ^ap ukuthi kabazukungena ekuphumuleni kwakhe, ngaphandle kwalabo abangalalelanga ^aq? 19 Ngakho siyabona ukuthi babengelakungena ^ar ngenxa yokungakholwa ^as.