Isa 15 | Ndebele | STEP | Umthwalo kaMowabi . Ngoba ngobusuku iAri kaMowabi ichithekile, iqunyiwe; ngoba ngobusuku iKiri kaMowabi ichithekile, iqunyiwe.

1 Umthwalo ^a kaMowabi ^b. Ngoba ngobusuku ^c iAri kaMowabi ^d ichithekile, iqunyiwe; ngoba ngobusuku ^e iKiri kaMowabi ^f ichithekile, iqunyiwe. 2 Wenyukela eBayiti ^g leDiboni ^h, indawo eziphakemeyo, ukuyalila ⁱ; uMowabi uzaqhinqa isililo ^j ngeNebo ^k langeMedeba ^l; kulempabanga ^m kuwo wonke amakhanda abo, zonke indevu zigeliwe ⁿ; 3 ezitaladeni zabo bazibhinca ngamasaka ^o; empahleni zezindlu zabo ^p lezitaladeni zabo ^q wonke ^r uqhinqa isililo ^s, besehla bekhala inyembezi. 4 LeHeshiboni ^t leEleyale ^u kuzakhala; ilizwi labo lizwakale kuze kube seJahazi ^v; ngenxa yalokhu abahlomileyo bakoMowabi bayamemeza; umphefumulo wakhe uyathuthumela kuye. 5 Inhliziyo yami iyamkhalela uMowabi ^w; ababalekayo bakhe ^x bafinyelele eZowari ^y, ithokazi ^z elileminyaka emithathu; ngoba umqanso weLuhithi ^aa, bawenyuka bekhala inyembezi; ngoba endleleni yeHoronayimi ^ab baphakamisa ukukhala kwencithakalo. 6 Ngoba amanzi ^ac eNimirimi ^ad azakuba zincithakalo ^ae; ngoba utshani buyoma, uhlaza luyaphela, kakukho okuluhlaza. 7 Ngenxa yalokhu ukwanda abakwenzileyo ^af lempahla yabo bazakuthwalela esifuleni seminyezane ^ag. 8 Ngoba ukukhala kuzabhoda umngcele kaMowabi, ukuqhinqa kwakhe isililo kufinyelela eEgilayimi ^ah, yebo, ukuqhinqa kwakhe isililo kufinyelela eBeri-Elimi ^ai. 9 Ngoba amanzi eDiboni ^aj agcwele igazi; ngoba ngizamisela iDiboni ^ak okunye futhi, isilwane ^al kulabo abaphunyukileyo bakoMowabi ^am lakunsali yelizwe.