2Ki 23:6-14, Isa 17:8 | Ndebele | STEP | Wakhupha isixuku endlini yeN kosi , ngaphandle kweJerusalema , wasisa esifuleni iKidroni , wasitshisa esifuleni iKidroni, wasichola saba luthuli , waphosela uthuli lwaso emangcwabeni abantwana babantu .

2 Kings 23:6-14

6 Wakhupha isixuku endlini yeNkosi, ngaphandle kweJerusalema ^a, wasisa esifuleni iKidroni ^b, wasitshisa esifuleni iKidroni, wasichola saba luthuli ^c, waphosela uthuli lwaso emangcwabeni abantwana babantu ^d. 7 Wadiliza izindlu zezinkotshana ezazingasendlini yeNkosi ^e lapho abesifazana ababeselukela khona amaveyili esixuku ^f. 8 Wakhupha bonke abapristi emizini yakoJuda, wangcolisa indawo eziphakemeyo lapho abapristi ababetshisela khona impepha, kusukela eGeba ^g kusiya eBherishebha ^h. Wadiliza indawo eziphakemeyo zamasango ezisekungeneni kwesango likaJoshuwa umbusi womuzi, ezazingakwesokhohlo somuntu esangweni lomuzi. 9 Loba kunjalo abapristi bendawo eziphakemeyo kabenyukelanga elathini leNkosi eJerusalema, kodwa badla izinkwa ezingelamvubelo phakathi kwabafowabo ⁱ. 10 Wasengcolisa iTofethi ^j elisesihotsheni sendodana kaHinomu ^k ukuze kungabi khona umuntu odabulisa indodana yakhe kumbe indodakazi yakhe emlilweni ^l kuMoleki ^m. 11 Wasesusa amabhiza amakhosi akoJuda ayewanikele elangeni ekungeneni kwendlu yeNkosi ⁿ, ngasekamelweni likaNathani-Meleki umthenwa elalisekhulusini ^o, wazitshisa inqola zelanga ngomlilo ^p. 12 Lamalathi ayesephahleni lwendlu kaAhazi ^q engaphezulu ^r awenzayo amakhosi akoJuda, lamalathi uManase ayewenzile emagumeni womabili endlu yeNkosi ^s, inkosi yawadiliza yawachoboza iwasusa lapho, yaluphosela uthuli lwawo esifuleni iKidroni ^t. 13 Lendawo eziphakemeyo, ezaziphambi kweJerusalema, ezazingakwesokunene sentaba yokubola, uSolomoni inkosi yakoIsrayeli eyayizakhele uAshitarothi isinengiso samaSidoni ^u, loKemoshi isinengiso samaMowabi ^v, loMilkomu isinengiso sabantwana bakoAmoni ^w, inkosi yazingcolisa. 14 Wasephahlaza insika eziyizithombe, wagamula izixuku, wagcwalisa izindawo zazo ngamathambo abantu.

Isaiah 17:8

8 Njalo kayikujolozela emalathini, umsebenzi wezandla zakhe ^x; njalo kayikukhangela kulokho iminwe yakhe ekwenzileyo, loba izixuku ^{y
,} ^z loba amalathi elanga ^aa.