Lev 19:31, 2Ki 21:6, 23:24, 2Ch 33:6, Isa 19:3 | Ndebele | STEP | Lingaphendukeli kulabo abalamadlozi lakwabalumbayo; lingabadingi ukuze lingcoliswe yibo. NgiyiN kosi uNkulunkulu wenu .

Leviticus 19:31

31 Lingaphendukeli kulabo abalamadlozi lakwabalumbayo; lingabadingi ukuze lingcoliswe yibo. NgiyiNkosi uNkulunkulu wenu ^a.

2 Kings 21:6

6 Wasedabulisa indodana yakhe emlilweni ^b, wachasisa ngemibono ^c, wenza imilingo ^d, wasebenza labalamadlozi labalumbayo ^e. Wenza okubi kakhulu emehlweni eNkosi ukuyithukuthelisa ^f.

2 Kings 23:24

24 Ngaphezu kwalokho-ke abalamadlozi ^g, labalumbayo, lamatherafi*, lezithombe ^h, lawo wonke amanyala abonakala elizweni lakoJuda leJerusalema, uJosiya wakususa, ukuze aqinise amazwi omlayo ayebhalwe ogwalweni uHilikhiya umpristi alufica endlini yeNkosi ⁱ.

2 Chronicles 33:6

6 Yena wenza abantwana bakhe badabule emlilweni esihotsheni sendodana kaHinomu ^j; wasechasisa izibonakaliso, wenza imilingo, wenza ubuthakathi, wasebenza labalamadlozi labalumbayo. Wenza okubi kakhulu emehlweni eNkosi, ukuyithukuthelisa ^k.

Isaiah 19:3

3 Lomoya wamaGibhithe uzathululwa phakathi kwawo, njalo ngizaginya icebo lawo; babesebebuza izithombe zawo, labathakathi, labalamadlozi ^l, labalumbayo.