Jer 19 | Ndebele | STEP | Itsho njalo iN kosi : Hamba u ye thenga isiphiso sombumbi esebumba; uthathe ebadaleni babantu lebadaleni babapristi.

1 Itsho njalo iNkosi: Hamba uyethenga ^a isiphiso ^b sombumbi esebumba; ^c uthathe ebadaleni babantu ^d lebadaleni babapristi. ^e 2 Ubusuphuma uye esihotsheni sendodana kaHinomu ^f esisekungeneni kwesango lodengezi, umemezele khona amazwi engizakutshela wona. 3 Uthi: Zwanini ilizwi leNkosi, ^g lina makhosi akoJuda lani bakhileyo beJerusalema: ^h Itsho njalo iNkosi yamabandla, uNkulunkulu kaIsrayeli: Khangelani, ngizaletha okubi phezu kwalindawo, okuzakuthi loba ngubani okuzwayo, indlebe zakhe zizakhenceza. ⁱ 4 Ngenxa yokuthi bangidelile, ^j bayenza lindawo yaba ngeyabezizwe, batshisela kiyo impepha kwabanye onkulunkulu, ^k abangabazanga bona laboyise lamakhosi akoJuda; futhi bayigcwalisa lindawo ngegazi labangelacala. ^l 5 Futhi bakha izindawo eziphakemeyo zikaBhali, ^m ukutshisa amadodana abo ngomlilo abe ngumnikelo wokutshiswa kuBhali, ⁿ engingakulayanga, engingakukhulumanga, okungavelanga enhliziyweni yami. ^{o
,} ^{p
,} ^q 6 Ngakho khangela, insuku ziyeza, ^r itsho iNkosi, lapho lindawo ingasayikubizwa ngokuthi yiTofethi, ^s loba isiHotsha sendodana kaHinomu, ^t kodwa isiHotsha sokuBulawa. 7 Njalo ngizachitha icebo lakoJuda leJerusalema kulindawo, ^{u
,} ^v ngenze ukuthi bawe ngenkemba phambi kwezitha zabo, ^w langesandla sabazingela impilo zabo; nginike izidumbu zabo zibe yikudla kwenyoni zezulu lokwenyamazana zomhlaba. ^x 8 Ngenze lumuzi ube lunxiwa, ^y lokokuncifelwa; wonke owedlula kuwo uzamangala kakhulu ancife ngenxa yazo zonke inhlupheko zawo. 9 Njalo ngizabenza badle inyama yamadodana abo lenyama yamadodakazi abo; ^z njalo bazakudla ngulowo inyama kamakhelwane wakhe ekuvinjezelweni lekucindezelweni, ^aa ezizabacindezela ngakho izitha zabo labadinga impilo yabo. 10 Khona uzaphahlaza ^ab isiphiso emehlweni amadoda ahamba lawe; ^ac 11 ubususithi kiwo: Itsho njalo iNkosi yamabandla: ^ad Ngokunjalo ngizabaphahlaza lababantu lalumuzi, ^ae njengomuntu ephahlaza imbiza yombumbi, ^af engebuye ilungiswe futhi; njalo bazabangcwaba eThofethi, ngoba kungasoze kube lendawo yokungcwaba. ^ag 12 Ngizakwenza njalo kulindawo, itsho iNkosi, lakwabakhileyo bayo, ukuthi ngenze lumuzi ube njengeThofethi. ^ah 13 Njalo izindlu zeJerusalema lezindlu zamakhosi akoJuda zizangcoliswa njengendawo yeThofethi, ^ai ngenxa yazo zonke izindlu abatshisela phezu kwempahla zazo impepha ^{aj
,} ^ak kulo lonke ibutho lamazulu, ^al bathululela abanye onkulunkulu iminikelo yokunathwayo. ^am

14 Khona wabuya uJeremiya evela eTofethi, ^an lapho iNkosi eyayimthume khona ukuprofetha, wasesima egumeni lendlu yeNkosi, ^ao wathi ebantwini bonke: 15 Itsho njalo iNkosi yamabandla, uNkulunkulu kaIsrayeli: Khangelani, ngizakwehlisela kulumuzi lakuyo yonke imizana yawo konke okubi engikutshiloyo ngawo, ngoba benze lukhuni intamo yabo, ^ap ukuze bangezwa amazwi ami. ^aq