Jer 39:4-10 | Ndebele | STEP | Kwasekusithi lapho uZedekhiya inkosi yakoJuda lawo wonke amadoda empi bezibona, babaleka, baphuma emzini ebusuku nge ndlela yesivande senkosi, ngesango eliphakathi kwemiduli emibili; waphuma nge ndlela yamagceke.

Jeremiah 39:4-10

4 Kwasekusithi lapho uZedekhiya inkosi yakoJuda ^a lawo wonke amadoda empi bezibona, babaleka, baphuma emzini ebusuku ngendlela yesivande senkosi, ngesango eliphakathi kwemiduli emibili; waphuma ngendlela yamagceke. 5 Kodwa ibutho lamaKhaladiya laxotshana labo, lamfica uZedekhiya emagcekeni eJeriko; selimbambile lamenyusela kuNebhukadinezari inkosi yeBhabhiloni eRibila, elizweni leHamathi, ^b owakhuluma izigwebo ezimelene laye. ^c 6 Inkosi yeBhabhiloni yasibulala amadodana kaZedekhiya eRibila emehlweni akhe; ^d inkosi yeBhabhiloni yabuya yabulala zonke izikhulu zakoJuda. ^e 7 Yasiphumputhekisa amehlo kaZedekhiya, yambopha ngamaketane ethusi amabili ukuze imuse eBhabhiloni. ^f

8 AmaKhaladiya asetshisa indlu yenkosi lezindlu zabantu ngomlilo, ^g adilizela phansi imiduli yeJerusalema. 9 Lensali yabantu eyayisele emzini, lalabo ababehlubukile, ^h ababehlubukile kuyo, lensali yabantu eyayisele, uNebuzaradani induna yabalindi yabathumba yabasa eBhabhiloni. 10 Kodwa uNebuzaradani induna yabalindi watshiya elizweni lakoJuda ebantwini ababengabayanga ⁱ ababengelalutho, wabanika izivini lamasimu ngalolosuku.