‏ Jeremiah 49

Ilizwi ngamaAmoni

1Mayelana labantwana bakoAmoni ^a itsho njalo iNkosi: UIsrayeli kalamadodana yini? Kalayo indlalifa yini? Kungani uMilkomu esidla ilifa lakoGadi, ^b labantu bakhe behlala emizini yayo? 2Ngakho khangela, insuku ziyeza, itsho iNkosi, lapho ngizakwenza ukuthi kuzwakale umkhosi wempi ^c eRaba yabantwana bakoAmoni; ^d njalo izakuba yinqumbi yencithakalo, ^e lamadodakazi ayo atshiswe ngomlilo; ^f loIsrayeli adle ilifa labadla ilifa lakhe, ^g itsho iNkosi.

3Qhinqa isililo, Heshiboni, ^h ngoba iAyi ichithiwe; ⁱ khalani, madodakazi eRaba, ^j libhince amasaka, ^k lilile, liye le lale ezintangweni; ^l ngoba uMilkomu uzahamba ekuthunjweni, abapristi bakhe leziphathamandla zakhe ndawonye. ^m 4Uzincomelani ngezihotsha? Isihotsha sakho siyageleza, ndodakazi ehlehlela nyovane, ⁿ ethemba amagugu ayo ^o, usithi: Ngubani ozakuza kimi? ^{p , q} 5Khangela, ngizakwehlisela phezu kwakho uvalo, ^r itsho iNkosi, uJehova wamabandla, luvela kubo bonke abakuhanqileyo; njalo lizaxotshwa, ngulowo lalowo phambi kwakhe; njalo kakho ozabutha ozulayo. ^s 6Kodwa emva kwalokho ngizabuyisa ukuthunjwa kwabantwana bakoAmoni, ^t itsho iNkosi.

Ilizwi ngeEdoma

7Mayelana leEdoma, ^u itsho njalo iNkosi yamabandla: Kakuselanhlakanipho yini ^v eThemani? ^w Icebo liphelile yini kwabaqedisisayo? ^x Inhlakanipho yabo isinyamalele yini? 8Balekani, ^y buyelani emuva, hlalani endaweni ejulileyo, ^z bahlali beDedani; ^aa ngoba ngizakwehlisela inhlupheko kaEsawu phezu kwakhe, isikhathi sokumhambela kwami. ^ab 9Uba abavuni bamavini befika kuwe ^ac bebengayikutshiya yini umkhothozo? ^ad Uba amasela efika ebusuku, ^ae azaphanga aze anele? 10Kodwa mina ngimhlubule uEsawu, ^af ngizembule indawo zakhe zensitha, ukuze angabi lakho ukucatsha; inzalo yakhe ichithiwe, labafowabo, labomakhelwane bakhe, yena kasekho. ^ag 11Tshiya izintandane zakho, mina ngizazilondoloza ziphila, ^ah labafelokazi bakho kabathembele kimi.

12Ngoba itsho njalo iNkosi: Khangela, labo okugwetshwa kwabo kwakungeyisikho ukunatha inkezo bazayinatha lokuyinatha, ^ai wena-ke nguwe yini ozayekelwa ungajeziswanga ngokupheleleyo? ^aj Kawuyikuyekelwa ungelacala, kodwa isibili uzanatha. 13Ngoba ngifungile ngami uqobo, ^ak itsho iNkosi, ukuthi iBhozira ^al izakuba ngokwesabekayo, ^am ibe lihlazo, ^an ibe lunxiwa, ibe yisiqalekiso; ^ao lemizi yayo yonke izakuba ngamanxiwa aphakade. ^ap

14Ngizwile umbiko ovela eNkosini, ^{aq , ar} lesithunywa sithunywe phakathi kwezizwe, sisithi: Buthanani, ^as lize limelane layo, lisukumele impi. 15Ngoba khangela, ngizakwenza ube mncinyane phakathi kwezizwe, udeleleke phakathi kwabantu. 16Ukwesabeka kwakho kukukhohlisile, ukuziqhenya kwenhliziyo yakho, wena ohlala ezingoxweni zamadwala, ^at obamba izingqonga zoqaqa. Loba usenza ^au isidleke sakho sibe phezulu njengokhozi, ^av ngizakwehlisa usuka khona, ^aw itsho iNkosi.

17IEdoma layo izakuba yinto eyesabekayo; ^{ax , ay} wonke odlula kuyo uzamangala kakhulu, ^az ancife ngenxa yenhlupheko yonke yayo. ^{ba , bb , bc} 18Njengokuchithwa kweSodoma leGomora, ^{bd , be} labomakhelwane bayo, ^{bf , bg} itsho iNkosi; kakulamuntu ozahlala khona, ^{bh , bi} kakulandodana yomuntu ezahlala khona njengowezizwe. ^bj 19Khangela, njengesilwane ^bk esivela ekukhukhumaleni kweJordani ^bl uzakwenyuka ^bm emelene lendawo yokuhlala okungapheliyo, kodwa ngizahle ngimgijimise asuke kuyo; njalo ngubani okhethiweyo engingammisa emelene layo? Ngoba ngubani onjengami? ^bn Ngubani-ke ozangibizela ukulandisa? Njalo nguwuphi lowomelusi ^bo ongema phambi kwami? ^bp

20Ngakho, zwanini icebo leNkosi elicebe imelene leEdoma, lemicabango yayo eyicabange emelene labahlali beThemani: ^bq Isibili abancinyane bomhlambi bazabadonsa; isibili izachitha indawo yabo yokuhlala phezu kwabo. 21Ngomsindo wokuwa kwabo umhlaba uyazamazama; ^br ukukhala, umsindo wakho wezwakala eLwandle oluBomvu. 22Khangela, uzakwenyuka ^bs andize ngesiqubu njengokhozi, ^bt elulele impiko zakhe phezu ^bu kweBhozira; ^bv lenhliziyo yamaqhawe eEdoma ^bw ngalolosuku izakuba njengenhliziyo yowesifazana ohelelwayo. ^bx

Ilizwi ngeDamaseko

23Mayelana leDamaseko. ^{by , bz} IHamathi ^ca leArpadi ^cb kuyangekile, ngoba bazwile umbiko omubi; bancibilika, kulokunqineka elwandle, kungeke kube lokuthula. ^cc 24IDamaseko ^cd isibuthakathaka, ^ce itshibilike ukuze ibaleke, ^cf lokwethuka kuyibambile, ukucindezelwa losizi kuyibambile ^cg njengobelethayo. ^ch 25Kawutshiywanga njani ^ci umuzi wodumo, ^cj umuzi wentokozo yami! ^ck 26Ngakho amajaha awo azawela ezitaladeni zawo, ^cl lawo wonke amadoda empi ^cm azabhujiswa ngalolosuku, ^cn itsho iNkosi yamabandla. 27Ngizaphemba-ke umlilo emdulini ^co weDamaseko, ^cp ozaqothula izigodlo ^cq zikaBenihadadi. ^cr

Ilizwi ngeKedari leHazori

28Mayelana leKedari ^cs njalo mayelana lemibuso yeHazori owayitshayayo uNebhukadirezari inkosi yeBhabhiloni: Itsho njalo iNkosi: Sukumani, ^ct lenyukele eKedari, ^cu lichithe amadodana empumalanga. ^cv 29Bazathatha amathente abo lemihlambi yabo, ^{cw , cx} amakhetheni abo ^cy lempahla yabo yonke lamakamela abo ^cz bazazithwalela khona; bamemeze kibo bathi: Uvalo enhlangothini zonke. ^da 30Balekani, lizulazule kakhulu, ^db lihlale ngokujula, ^dc lina bahlali beHazori, itsho iNkosi; ngoba uNebhukadirezari inkosi yeBhabhiloni waceba icebo emelene lani, wacabanga umcabango emelene lani. 31Sukumani, lenyuke limelene lesizwe esonwabileyo, ^dd esihlala ekuvikelekeni, ^de itsho iNkosi, esingelamasango, esingelamigoqo, ^df esizihlalele sodwa. ^dg 32Lamakamela abo azakuba yimpango, lemihlambi yezifuyo zabo izakuba yimpango; njalo ngizabachithachitha kuyo yonke imimoya, abaphoselwe engonsini, ^dh ngilethe inkathazo yabo evela inhlangothi zonke zaso, itsho iNkosi. 33LeHazori izakuba yindawo yokuhlala yamakhanka, ^di unxiwa kuze kube nininini; ^dj kakuyikuhlala muntu khona, ^dk lendodana yomuntu kayiyikuhlala kuyo njengowezizwe. ^dl

Ilizwi ngeElamu

34Ilizwi leNkosi elafika kuJeremiya umprofethi limelene leElamu ekuqaleni kokubusa kukaZedekhiya, inkosi yakoJuda, ^dm lisithi: 35Itsho njalo iNkosi yamabandla: Khangela, ngizakwephula idandili leElamu, ^dn induna yamandla abo. 36Ngilethele iElamu imimoya emine evela emikhawulweni emine yamazulu, ngibahlakazele kuyo yonke leyomimoya; ^do njalo kakuyikuba khona isizwe lapho abaxotshiweyo beElamu abangayikufika khona. ^dp 37Ngoba ngizakwenza abeElamu besabe phambi kwezitha zabo ^dq laphambi kwalabo abadinga impilo yabo, ngibehlisele okubi, ukuvutha kolaka lwami, ^dr itsho iNkosi, ngithume inkemba emva kwabo, ^ds ngize ngibaqede. 38Ngizamisa-ke isihlalo sami sobukhosi eElamu, ^dt ngichithe kuyo inkosi leziphathamandla, itsho iNkosi.

39Kodwa kuzakuthi ekucineni kwezinsuku ^{du , dv} ngibuyise ukuthunjwa kukaElamu, ^dw itsho iNkosi.