Jer 49:7-8, Joe 3:19, Amo 1:11, Obd | Ndebele | STEP | Mayelana leEdoma, itsho njalo iN kosi yamabandla: Kakuselanhlakanipho yini eThemani? Icebo liphelile yini kwabaqedisisayo? Inhlakanipho yabo isinyamalele yini?

7 Mayelana leEdoma, ^a itsho njalo iNkosi yamabandla: Kakuselanhlakanipho yini ^b eThemani? ^c Icebo liphelile yini kwabaqedisisayo? ^d Inhlakanipho yabo isinyamalele yini? 8 Balekani, ^e buyelani emuva, hlalani endaweni ejulileyo, ^f bahlali beDedani; ^g ngoba ngizakwehlisela inhlupheko kaEsawu phezu kwakhe, isikhathi sokumhambela kwami. ^h

‏ Joel 3:19

19 IGibhithe izakuba lunxiwa ⁱ, leEdoma ibe ^j yinkangala elunxiwa ^k, ngenxa yodlakela olumelene labantwana bakoJuda, ngoba bachithe igazi elingelacala ^l elizweni labo.

‏ Amos 1:11

11 Itsho njalo iNkosi: Ngenxa yeziphambeko ezintathu ^m zeEdoma ^{n
,} ^o, langenxa yezine, kangiyikukuphambula, ngoba yaxotshana ^p labafowabo ^q ngenkemba ^r, yonakalisa izihawu zayo, lolaka lwayo lwadabudabula njalonjalo ^s, yagcina intukuthelo yayo kokuphela.

‏ Obadiah

Ukuthotshiswa kukaEdoma

1 Umbono kaObhadiya. Itsho njalo iNkosi uJehova mayelana leEdoma ^t: Sizwile umbiko ovela eNkosini, njalo kuthunywe isithunywa phakathi kwezizwe ^{u
,} ^v: Sukumani, kasimvukele empini! 2 Khangela, ngikwenze waba mncinyane phakathi kwezizwe ^w, udelelwe kakhulu ^x.

3 Ukuziqhenya kwenhliziyo yakho ^y kukukhohlisile, wena ohlala ezingoxweni zamadwala ^z, ondawo yakhe yokuhlala iphakeme ^aa, othi enhliziyweni yakhe: Ngubani ozangehlisela emhlabathini ^ab? 4 Loba uphakeme njengokhozi ^{ac
,} ^ad, njalo loba ubeka isidleke sakho phakathi kwezinkanyezi ^{ae
,} ^{af
,} ^ag, ngizakwethula khona, itsho iNkosi ^ah. 5 Uba amasela efika kuwe, loba abaphangi ebusuku ^ai (uqunywe kangakanani! ^aj) bebengayikuntshontsha baze banele yini? Uba abavuni bezithelo zevini bebengafika kuwe ^ak, bebengayikutshiya umkhothozo yini ^al? 6 Yeka ukuhlolwa kwezinto zikaEsawu ^am, ukudingisiswa kokuligugu kwakhe okufihliweyo! 7 Wonke amadoda esivumelwano sakho akuthumele emngceleni; amadoda okuthula kwakho akukhohlisile, akwehlule ^an, adla isinkwa sakho abeke ^ao imbule ngaphansi kwakho ^ap; kakukho ukuqedisisa kuye ^aq. 8 Kakuyikuba njalo yini ^ar ngalolosuku ^as, itsho iNkosi, ukuthi ngizachitha abahlakaniphileyo eEdoma lokuqedisisa ^at entabeni kaEsawu ^au. 9 Lamaqhawe akho ^av azatshaywa luvalo, Themani ^{aw
,} ^ax, ukuze ngulowo lalowo aqunywe entabeni kaEsawu ngokubulawa ^ay.

10 Ngenxa ^az yodlakela lwakho umelene ^ba lomfowenu uJakobe ^bb inhloni zizakusibekela ^bc, uqunywe kuze kube phakade ^bd. 11 Ngosuku owema ngalo uqondene labo, ngosuku abezizweni abathumba ngalo amabutho akhe, abezizwe abangena emasangweni akhe ^be, abenza inkatho yokuphosa ngeJerusalema ^bf, lawe wawunjengomunye wabo. 12 Kodwa wawungafanelanga ukukhangela ^bg ngosuku lomfowenu ^bh ngosuku lwenhlupheko yakhe ^bi; njalo wawungafanelanga uthokoze ngabantwana bakoJuda ngosuku lokuchitheka kwabo ^bj; njalo wawungafanelanga ukhulume ngokuziqhenya ngosuku lokuhlupheka. 13 Ngabe kawungenanga ngesango labantu bami osukwini lwenhlupheko yabo ^bk; ngabe kawukhangelanga, lawe, ebubini babo osukwini lwenhlupheko yabo ^bl; njalo ngabe ^bm kawelulelanga isandla sakho enothweni yabo osukwini lwenhlupheko yabo ^bn. 14 Ngabe kawumanga emehlukanweni endlela ukuquma abaphunyukayo bakhe ^bo; njalo ngabe kawunikelanga abasalayo bakhe osukwini losizi ^bp. 15 Ngoba usuku lweNkosi lusondele ^{bq
,} ^br ezizweni zonke ^bs. Njengokwenza kwakho kuzakwenziwa kuwe ^bt; umvuzo wakho uzabuyela ekhanda lakho ^bu. 16 Ngoba njengoba linathile ^bv entabeni yami engcwele ^bw, ngokunjalo zonke izizwe zizanatha njalonjalo ^bx, yebo, zizanatha, ziginye ^by, zibe kungathi kazizanga zibe khona ^bz.

Ukuphakanyiswa kukaIsrayeli

17 Kodwa entabeni yeZiyoni ^ca kuzakuba khona ukuphunyuka, kube lobungcwele ^cb; lendlu kaJakobe izakudla ilifa lamafa ayo ^{cc
,} ^cd. 18 Lendlu kaJakobe izakuba ngumlilo ^ce, lendlu kaJosefa ibe lilangabi ^cf, lendlu kaEsawu ibe libibi ^cg; njalo bazazitshisa ^ch bazidle ^ci; njalo kakuyikuba khona oseleyo endlini kaEsawu ^cj; ngoba iNkosi ikhulumile.

19 Labeningizimu ^ck bazakudla ilifa ^cl lentaba kaEsawu ^cm, lalabo ^cn abemagcekeni amaFilisti ^co, yebo bazakudla ilifa lensimu yakoEfrayimi lensimu yeSamariya ^cp, loBhenjamini iGileyadi. 20 Labathunjiweyo bale inqaba yabantwana bakoIsrayeli bazakudla ilifa elalingelamaKhanani ^cq, kuze kufike eZarefathi ^cr; labathunjiweyo beJerusalema abaseSefaredi bazakudla ilifa lemizi yeningizimu ^cs. 21 Labasindisi bakhwele ^ct entabeni yeZiyoni ukwahlulela ^cu intaba kaEsawu ^cv; lombuso uzakuba ngoweNkosi ^cw.