aMark 1:16-20; Luka 5:2-11; Joha 1:40-42
b15:29; Mark 1:16, 7:31; Joha 6:1; Luka 5:1
cJoha 1:42
d19:27; Mark 10:28; Luka 18:28
eMat 4:18-22; Luka 5:2-11; Joha 1:40-42
fMat 4:18-22; Mark 1:16-20; Joha 1:40-42
gMat 26:55
hMat 13:2; Mark 4:1
iJoha 21:6
j8:24,45, 9:33,49, 17:13
kJoha 21:3
lJoha 21:6
m4:10; Jobe 41:6
n4:2,3,10
oJoha 11:32
pIsa 6:5; Joha 13:8; Mat 8:34; Luka 1:12, 5:26
q5:10; Jobe 41:6
r5:28
s1:36; Mat 19:26
tMat 16:17
uJobe 30:6; Jer 4:29; Mat 10:2, 16:18

Matthew 4:18-22

Ukubizwa kwabafundi bakuqala

18Kwathi uJesu ehambahamba a elwandle lweGalili wabona izelamani ezimbili b, uSimoni othiwa nguPetro c, loAndreya umfowabo, bephosela imbule olwandle; ngoba babengabagoli benhlanzi. 19Wasesithi kubo: Ngilandelani, njalo ngizalenza libe ngabagoli babantu. 20Bahle-ke batshiya amambule bamlandela d. 21Eseqhubeke esuka lapho, wabona ezinye izelamani ezimbili, uJakobe okaZebediya loJohane umfowabo, besemkhunjini kanye loZebediya uyise, belungisa amambule abo; wasebabiza. 22Njalo bahle batshiya umkhumbi loyise bamlandela.

Mark 1:16-20

Ukubizwa kwabafundi bakuqala

16Kwathi ehambahamba elwandle lweGalili wabona uSimoni loAndreya umfowabo, bephosela imbule olwandle; ngoba babengabagoli benhlanzi e. 17UJesu wasesithi kubo: Ngilandelani, ngizalenza libe ngabagoli babantu. 18Njalo bahle batshiya amambule abo, bamlandela. 19Eseqhubeke ibangana esuka lapho, wabona uJakobe okaZebediya, loJohane umfowabo, labo babesemkhunjini belungisa amambule abo. 20Njalo wahle wababiza; basebetshiya uyise uZebediya emkhunjini leziqhatshwa, basuka bamlandela.

Luke 5:2-11

2wabona imikhumbi emibili imi eceleni kwechibi; kodwa abagoli benhlanzi babephumile kiyo behlambulula amambule. 3Wasengena komunye wemikhumbi, ongokaSimoni, wamcela ukuthi asuke kancinyane emhlabathini f. Wasehlala phansi g wafundisa amaxuku esemkhunjini h.

4Kwathi eseqedile ukukhuluma, wathi kuSimoni: Ngena enzikini, lehlise amambule enu ukuze libambe i. 5USimoni wasephendula wathi kuye: Nkosi j, sitshikatshike ubusuku bonke, kasibambanga lutho; kodwa ngokutsho kwakho ngizakwehlisa imbule k. 6Kwathi sebekwenzile lokho, babamba inhlanzi ezinengi kakhulu. Laselidabuka imbule labo l. 7Basebeqhweba ababehlanganyele labo m ababekomunye umkhumbi, ukuthi beze babasize; beza-ke bayigcwalisa imikhumbi yomibili, yaze yaqalisa ukutshona n. 8Kuthe uSimoni Petro ebona, wawela emadolweni kaJesu o, esithi: Suka kimi, Nkosi, ngoba ngingumuntu oyisoni p. 9Ngoba ukumangala kwakumbambile, labo bonke ababelaye, ngokubanjwa kwenhlanzi ababezibambile; 10ngokufananayo-ke loJakobe loJohane, amadodana kaZebediya, ababehlanganyele loSimoni q. UJesu wasesithi kuSimoni: Ungesabi; kusukela khathesi uzagola abantu. 11Kwathi sebeyifikisile imikhumbi emhlabathini, batshiya konke, bamlandela r.

John 1:42

42Wasemletha kuJesu. UJesu esemkhangele wathi s: Wena unguSimoni indodana kaJona t; uzathiwa nguKefasi, okuphendulelwa ngokuthi uPetro u.

Copyright information for Ndebele