Joh 11:24, 1Cor 15:23, 1Th 4:16, Rev 20:4-5 | Ndebele | STEP | UMarta wathi kuye: Ngiyazi ukuthi uzabuya avuke ekuvukeni ngosuku lokucina .

John 11:24

24 UMarta wathi kuye: Ngiyazi ukuthi uzabuya avuke ekuvukeni ngosuku lokucina ^a.

1 Corinthians 15:23

23 Kodwa ngulowo lalowo ngesakhe isigaba; isithelo sokuqala uKristu ^b, besekusiba ngabakaKristu ^c ekufikeni kwakhe ^d,

1 Thessalonians 4:16

16 ngoba iNkosi uqobo ^e izakwehla ivela ezulwini ^f ngesimemezelo sokulawula, ngelizwi lengilosi eyinduna ^g, langokukhala kophondo lukaNkulunkulu ^h, labafileyo kuKristu bazavuka kuqala ⁱ;

Revelation of John 20:4-5

Ukuvuka kokuqala

4 Ngasengibona izihlalo zobukhosi ^j, basebehlala kuzo ^k, lokwahlulela kwanikelwa kubo ^l; ngabona lemiphefumulo ^m yalabo ababequnywe amakhanda ⁿ ngenxa yobufakazi bukaJesu ^o langenxa yelizwi likaNkulunkulu ^p, lababengakhonzanga isilo ^q, loba umfanekiso waso ^r, njalo bengemukelanga uphawu lwaso ebunzini labo, lesandleni sabo ^s; basebephila babusa kanye loKristu ^t iminyaka eyinkulungwane ^u. 5 Kodwa abaseleyo kwabafileyo kabaphindanga baphila ^v ize iphele iminyaka eyinkulungwane ^w. Lokhu kuyikuvuka kokuqala ^x.