Jos 21 | Ndebele | STEP | Kwasekusondela inhloko zaboyise bamaLevi kuEleyazare umpristi lakuJoshuwa indodana kaNuni lakuzo inhloko zaboyise bezizwe zabantwana bakoIsrayeli,

1 Kwasekusondela inhloko zaboyise bamaLevi kuEleyazare umpristi ^a lakuJoshuwa indodana kaNuni lakuzo inhloko zaboyise bezizwe zabantwana bakoIsrayeli, 2 bakhuluma kubo eShilo ^b elizweni leKhanani, besithi: INkosi yalaya ngesandla sikaMozisi ukusinika imizi yokuhlala ^c, lamadlelo ayo ezifuyo zethu. 3 Ngakho abantwana bakoIsrayeli banika amaLevi okwelifa labo ngokomlayo weNkosi, limizi lamadlelo ayo. 4 Kwasekuvela inkatho yensendo zamaKohathi. Abantwana bakoAroni umpristi ^d, abavela kumaLevi, ngenkatho esizweni sakoJuda ^e lesizweni sakoSimeyoni lesizweni sakoBhenjamini, basebesiba lemizi elitshumi lantathu. 5 Labaseleyo kubantwana bakaKohathi ^f, ngenkatho ensendweni zesizwe sakoEfrayimi lesizweni sakoDani lengxenyeni eyodwa kwezimbili yesizwe sakoManase, baba lemizi elitshumi. 6 Labantwana bakoGerishoni ^g, ngenkatho ensendweni zesizwe sakoIsakari lesizweni sakoAsheri lesizweni sakoNafithali lengxenyeni eyodwa kwezimbili yesizwe sakoManase eBashani, baba lemizi elitshumi lantathu. 7 Abantwana bakoMerari ^h ngokwensendo zabo, esizweni sakoRubeni lesizweni sakoGadi lesizweni sakoZebuluni, baba lemizi elitshumi lambili. 8 Labantwana bakoIsrayeli banika amaLevi le imizi lamadlelo ayo ngenkatho ⁱ, njengokulaya kweNkosi ngesandla sikaMozisi.

9 Basebenika esizweni sabantwana bakoJuda lesizweni sabantwana bakoSimeyoni le imizi, eqanjwa ngebizo, 10 eyayingeyabantwana bakoAroni ^j, bevela kunsendo zamaKohathi ebantwaneni bakoLevi, ngoba baba lenkatho yokuqala. 11 Basebebanika ^k iKiriyathi-Arba, uyise kaAnoki ^l, okuyiHebroni, ezintabeni zakoJuda ^m lamadlelo inhlangothi zayo zonke. 12 Kodwa insimu yomuzi lemizana yawo bakunika uKalebi indodana kaJefune ⁿ ukuba ngeyakhe.

13 Ngakho banika abantwana bakoAroni umpristi umuzi wokuphephela wombulali, iHebroni ^o, lamadlelo ayo, leLibhina ^p lamadlelo ayo, 14 leJatiri ^q lamadlelo ayo, leEshithemowa ^r lamadlelo ayo, 15 leHoloni lamadlelo ayo, leDebiri ^s lamadlelo ayo, 16 leAyini lamadlelo ayo, leJuta ^t lamadlelo ayo, leBeti-Shemeshi ^u lamadlelo ayo; imizi eyisificamunwemunye kulezizizwe ezimbili ^v. 17 Lesizweni sakoBhenjamini: IGibeyoni ^w lamadlelo ayo, iGeba lamadlelo ayo, 18 iAnathothi ^x lamadlelo ayo, leAlimoni lamadlelo ayo: Imizi emine. 19 Yonke imizi yabantwana bakoAroni, abapristi, yayilemizi elitshumi lantathu lamadlelo ayo.

20 Lensendo zabantwana bakoKohathi ^y, amaLevi, asalayo ebantwaneni bakoKohathi, baba lemizi yenkatho yabo esizweni sakoEfrayimi. 21 Basebebanika umuzi wokuphephela umbulali, iShekema ^z lamadlelo ayo entabeni yakoEfrayimi, leGezeri ^aa lamadlelo ayo, 22 leKibizayimi lamadlelo ayo, leBhethi-Horoni ^ab lamadlelo ayo: Imizi emine. 23 Lesizweni sakoDani iEliteke ^ac lamadlelo ayo, iGibethoni ^ad lamadlelo ayo, 24 iAjaloni ^ae lamadlelo ayo, iGathi-Rimoni ^af lamadlelo ayo: Imizi emine. 25 Lengxenyeni eyodwa kwezimbili yesizwe sakoManase, iThahanakhi ^ag lamadlelo ayo, leGathi-Rimoni ^ah lamadlelo ayo: Imizi emibili. 26 Yonke imizi yensendo zabantwana bakoKohathi abaseleyo yayilitshumi lamadlelo ayo.

27 Lakubantwana bakoGerishoni ^ai, bensendo zamaLevi, kungxenye yesizwe sakoManase, iGolani eBashani ^aj, umuzi wokuphephela umbulali, lamadlelo ayo, leBheyeshithera ^ak lamadlelo ayo: Imizi emibili. 28 Lesizweni sakoIsakari, iKishiyoni ^al lamadlelo ayo, iDaberathi ^am lamadlelo ayo, 29 iJarimuthi ^an lamadlelo ayo, iEni-Ganimi ^ao lamadlelo ayo: Imizi emine. 30 Lesizweni sakoAsheri, iMishali ^ap lamadlelo ayo, iAbidoni lamadlelo ayo, 31 iHelkathi ^aq lamadlelo ayo, leRehobi ^ar lamadlelo ayo: Imizi emine. 32 Lesizweni sakoNafithali, iKedeshi ^as eGalili, umuzi wokuphephela umbulali, lamadlelo ayo, leHamothi-Dori ^at lamadlelo ayo, leKaritani ^au lamadlelo ayo: Imizi emithathu. 33 Yonke imizi yamaGerishoni ngokwensendo zawo yayiyimizi elitshumi lantathu lamadlelo ayo.

34 Lensendo zabantwana bakoMerari ^av, amaLevi aseleyo, zaba leJokineyamu ^aw esizweni sakoZebuluni lamadlelo ayo, leKarita lamadlelo ayo, 35 iDimina lamadlelo ayo, iNahalali ^ax lamadlelo ayo: Imizi emine. 36 Lesizweni sakoRubeni, iBezeri ^ay lamadlelo ayo, leJahaza ^az lamadlelo ayo, 37 iKedemothi ^ba lamadlelo ayo, leMefahathi ^bb lamadlelo ayo: Imizi emine. 38 Lesizweni sakoGadi, iRamothi eGileyadi ^bc, umuzi wokuphephela umbulali, lamadlelo ayo, leMahanayimi ^bd lamadlelo ayo, 39 iHeshiboni ^be lamadlelo ayo, iJazeri ^bf lamadlelo ayo: Imizi emine isiyonke. 40 Yonke imizi yayingeyabantwana bakoMerari, ngokwensendo zabo, abaseleyo ensendweni zamaLevi. Lenkatho yabo yayiyimizi elitshumi lambili.

41 Yonke imizi yamaLevi phakathi kwelifa labantwana bakoIsrayeli yayiyimizi engamatshumi amane lesificaminwembili lamadlelo ayo ^bg. 42 Le imizi, lowo lalowo wawulamadlelo awo inhlangothi zawo zonke. Kwakunjalo kuleyo yonke imizi.

Abantwana bakoIsrayeli bathatha ilizwe

43 INkosi yasinika uIsrayeli ilizwe lonke eyafunga ukubanika lona oyise ^bh; basebesidla ilifa lalo bahlala kulo. 44 INkosi yasibanika ukuphumula inhlangothi zonke ^bi njengokufunga kwayo konke kuboyise. Kakumanga muntu phambi kwabo kuzo zonke izitha zabo ^bj. INkosi yazinikela izitha zonke zabo esandleni sabo ^bk. 45 Kakwehlulekanga lalutho lwayo yonke into enhle iNkosi eyayikhuluma kuyo indlu kaIsrayeli ^bl; konke kwenzeka.