Judg 7:22, 1Sa 14:20, 2Ch 20:23, Isa 19:2, Eze 38:21, Hag 2:22 | Ndebele | STEP | Lapho abangamakhulu amathathu bevuthela impondo , iN kosi yamisa inkemba yomunye komunye , lenkambeni yonke; lenkamba yabaleka kwaze kwaba seBeti-Shita eZerera , kwaze kwaba semngceleni weAbeli-Mehola eduze kweTabathi.

‏ Judges 7:22

22 Lapho abangamakhulu amathathu bevuthela impondo ^a, iNkosi yamisa ^b inkemba yomunye komunye ^c, lenkambeni yonke; lenkamba yabaleka kwaze kwaba seBeti-Shita eZerera ^d, kwaze kwaba semngceleni weAbeli-Mehola ^e eduze kweTabathi.

‏ 1 Samuel 14:20

20 USawuli labo bonke abantu ababelaye basebebizelwa ndawonye bafika empini, khangela-ke, inkemba yalowo lalowo yayimelene lomakhelwane wakhe ^f, isiyaluyalu esikhulu kakhulu ^g.

‏ 2 Chronicles 20:23

23 Ngoba abantwana bakoAmoni labakoMowabi basukuma bamelana labahlali bentaba yeSeyiri ukutshabalalisa lokuchitha ^h; njalo sebebaqedile abahlali beSeyiri, bancedisa ngulowo umakhelwane wakhe encithakalweni ⁱ.

‏ Isaiah 19:2

2 Njalo ngizacija amaGibhithe amelane lamaGibhithe, ukuthi alwe, ngulowo lalowo emelene lomfowabo, langulowo lalowo emelene lomakhelwane wakhe ^j, umuzi umelene lomuzi, umbuso umelene lombuso.

‏ Ezekiel 38:21

21 Njalo ngizabiza ^{k
,} ^l inkemba imelane laye ^{m
,} ⁿ kuzo zonke izintaba zami, itsho iNkosi uJehova ^o; inkemba yalowo lalowomuntu izamelana lomfowabo ^p.

‏ Haggai 2:22

22 Ngigenqule isihlalo sobukhosi semibuso ^q, ngichithe amandla emibuso yezizwe ^r, ngigenqule inqola labagadi bayo ^s; lamabhiza labagadi bawo bazakwehla, ngulowo ngenkemba yomfowabo ^t.