Exo 29:24, 26, Lev 7:30-34 | Ndebele | STEP | ukubeke konke ezandleni zikaAroni lezandleni zamadodana akhe , ukuzunguze ukuze kube ngumnikelo wokuzunguzwa phambi kweN kosi .

Exodus 29:24

24 ukubeke konke ezandleni zikaAroni lezandleni zamadodana akhe ^a, ukuzunguze ukuze kube ngumnikelo wokuzunguzwa phambi kweNkosi.

Exodus 29:26

26 Uzathatha isifuba senqama yokwehlukaniswa engekaAroni, usizunguze sibe ngumnikelo wokuzunguzwa phambi kweNkosi, njalo sibe yisabelo sakho.

Leviticus 7:30-34

30 Izandla zakhe zizaletha iminikelo yeNkosi ^b eyenziwe ngomlilo, amahwahwa lesifuba, uzakuletha lesifuba, ukusizunguza sibe ngumnikelo wokuzunguzwa phambi kweNkosi ^c. 31 Umpristi uzatshisa-ke amahwahwa elathini ^d, kodwa isifuba sibe ngesikaAroni lesamadodana akhe ^e. 32 Lizanika-ke umpristi umlenze wokunene ^f, ube ngumnikelo wokuphakanyiswa ovela emihlatshelweni yeminikelo yenu yokuthula. 33 Lowo phakathi kwamadodana kaAroni onikela igazi leminikelo yokuthula lamahwahwa uzazuza umlenze wokunene ube yisabelo sakhe. 34 Ngoba isifuba sokuzunguzwa ^g lomlenze wokuphakanyiswa ngikuthethe ebantwaneni bakoIsrayeli, emihlatshelweni yeminikelo yabo yokuthula, ngakunika uAroni umpristi lamadodana akhe, kube yisimiso esilaphakade, okuvela ebantwaneni bakoIsrayeli.