Lev 25:8-17, Luk 4:24, 2Cor 6:2 | Ndebele | STEP | Uzazibalela-ke amaviki ayisikhombisa eminyaka, iminyaka eyisikhombisa ephindwe kasikhombisa, ukuze insuku zamaviki ayisikhombisa eminyaka zibe yiminyaka engamatshumi amane lesificamunwemunye kuwe.

Leviticus 25:8-17

8 Uzazibalela-ke amaviki ayisikhombisa eminyaka, iminyaka eyisikhombisa ephindwe kasikhombisa, ukuze insuku zamaviki ayisikhombisa eminyaka zibe yiminyaka engamatshumi amane lesificamunwemunye kuwe. 9 Khona uzadlulisa uphondo lomsindo omkhulu enyangeni yesikhombisa ngolwetshumi lwenyanga; ngosuku lwenhlawulo yokuthula lizadlulisa umsindo wophondo elizweni lonke lakini ^a. 10 Njalo lizangcwelisa lumnyaka wamatshumi amahlanu, limemezele inkululeko elizweni kubo bonke abakhileyo balo. Kuzakuba lijubili* kini ^b; lizabuyela, ngulowo lalowo, elifeni lakhe; futhi lizabuyela, ngulowo lalowo, kusapho lwakhe ^c. 11 Umnyaka wamatshumi amahlanu uzakuba ngumnyaka wejubili kini; lingahlanyeli, lingavuni umkhukhuzela wawo ^d, lingakhi ngawo kumavini angathenwanga ^e. 12 Ngoba ulijubili, uzakuba ngcwele kini; lizakudla ensimini okuthelwayo kwayo ^f. 13 Ngomnyaka walelijubili lizabuyela, ngulowo lalowo elifeni lakhe ^g. 14 Uba-ke uthengisa ulutho kumakhelwane wakho loba uthenga esandleni sikamakhelwane wakho, lingacindezelani ^h. 15 Ngokwenani leminyaka emva kwejubili uzathenga kumakhelwane wakho; ngokwenani leminyaka yokuthelwayo uzakuthengisela ⁱ. 16 Ngobunengi beminyaka uzakwandisa intengo yakho; njalo ngobulutshwana beminyaka uzanciphisa intengo yakho; ngoba ekuthengisela inani lezivuno. 17 Ngakho lingacindezelani ^j, kodwa wesabe uNkulunkulu wakho. Ngoba ngiyiNkosi uNkulunkulu wenu ^k.

Luke 4:24

24 Wathi-ke: Ngiqinisile ngithi kini: Kakho umprofethi ^l owemukelekayo ^m elizweni lakibo ⁿ.

2 Corinthians 6:2

2 ngoba uthi: Ngesikhathi esihle ngikuzwile ^o, langosuku losindiso ngakusiza; khangela ^p, khathesi yisikhathi esihle isibili ^q; khangela khathesi lusuku losindiso.