Mar 1:16-20, Luk 5:2-11, Joh 1:40-42 | Ndebele | STEP | Kwathi ehambahamba elwandle lweGalili wabona uSimoni loAndreya umfowabo, bephosela imbule olwandle; ngoba babengabagoli benhlanzi .

Mark 1:16-20

Ukubizwa kwabafundi bakuqala

16 Kwathi ehambahamba elwandle lweGalili wabona uSimoni loAndreya umfowabo, bephosela imbule olwandle; ngoba babengabagoli benhlanzi ^a. 17 UJesu wasesithi kubo: Ngilandelani, ngizalenza libe ngabagoli babantu. 18 Njalo bahle batshiya amambule abo, bamlandela. 19 Eseqhubeke ibangana esuka lapho, wabona uJakobe okaZebediya, loJohane umfowabo, labo babesemkhunjini belungisa amambule abo. 20 Njalo wahle wababiza; basebetshiya uyise uZebediya emkhunjini leziqhatshwa, basuka bamlandela.

Luke 5:2-11

2 wabona imikhumbi emibili imi eceleni kwechibi; kodwa abagoli benhlanzi babephumile kiyo behlambulula amambule. 3 Wasengena komunye wemikhumbi, ongokaSimoni, wamcela ukuthi asuke kancinyane emhlabathini ^b. Wasehlala phansi ^c wafundisa amaxuku esemkhunjini ^d.

4 Kwathi eseqedile ukukhuluma, wathi kuSimoni: Ngena enzikini, lehlise amambule enu ukuze libambe ^e. 5 USimoni wasephendula wathi kuye: Nkosi ^f, sitshikatshike ubusuku bonke, kasibambanga lutho; kodwa ngokutsho kwakho ngizakwehlisa imbule ^g. 6 Kwathi sebekwenzile lokho, babamba inhlanzi ezinengi kakhulu. Laselidabuka imbule labo ^h. 7 Basebeqhweba ababehlanganyele labo ⁱ ababekomunye umkhumbi, ukuthi beze babasize; beza-ke bayigcwalisa imikhumbi yomibili, yaze yaqalisa ukutshona ^j. 8 Kuthe uSimoni Petro ebona, wawela emadolweni kaJesu ^k, esithi: Suka kimi, Nkosi, ngoba ngingumuntu oyisoni ^l. 9 Ngoba ukumangala kwakumbambile, labo bonke ababelaye, ngokubanjwa kwenhlanzi ababezibambile; 10 ngokufananayo-ke loJakobe loJohane, amadodana kaZebediya, ababehlanganyele loSimoni ^m. UJesu wasesithi kuSimoni: Ungesabi; kusukela khathesi uzagola abantu. 11 Kwathi sebeyifikisile imikhumbi emhlabathini, batshiya konke, bamlandela ⁿ.

John 1:40-42

40 UAndreya umfowabo kaSimoni Petro ^o wayengomunye wababili ababekuzwe ngoJohane bamlandela.

41 Yena wathola kuqala umfowabo uqobo uSimoni ^p, wathi kuye: Simtholile uMesiya ^{▼▼ Mesiya: kumbe, ogcotshiweyo.}, okuphendulelwa ngokuthi, uKristu ^r. 42 Wasemletha kuJesu. UJesu esemkhangele wathi ^s: Wena unguSimoni indodana kaJona ^t; uzathiwa nguKefasi, okuphendulelwa ngokuthi uPetro ^u.