Mar 1:40-44, Luk 5:12-14 | Ndebele | STEP | Kwasekufika kuye umlephero, emncenga eguqa ngamadolo phambi kwakhe , esithi kuye: Aluba uthanda, ungangihlambulula.

‏ Mark 1:40-44

UJesu usilisa umlephero

40 Kwasekufika kuye umlephero, emncenga ^a eguqa ngamadolo phambi kwakhe ^b, esithi kuye: Aluba uthanda, ungangihlambulula. 41 UJesu wasesiba lesihelo, welula isandla, wamthinta, wathi kuye: Ngiyathanda, hlambuluka; 42 esekhulumile bahle basuka ubulephero kuye, wahlanjululwa. 43 Wasemlayisisa ^c, wahle wamyekela wahamba, 44 esithi kuye: Khangela ungatsheli muntu ulutho; kodwa hamba, uziveze kumpristi, unikele ngokuhlanjululwa kwakho lokho uMozisi akulayayo, kube yibufakazi kubo ^d.

‏ Luke 5:12-14

UJesu usilisa umlephero

12 Kwasekusithi, esekomunye wemizi, khangela-ke, indoda egcwele ubulephero; yathi ibona uJesu, yawa ngobuso, yamncenga, isithi: Nkosi, aluba uthanda, ungangihlambulula. 13 Waseselula isandla, wayithinta, esithi: Ngiyathanda, hlambuluka. Njalo bahle basuka ubulephero kuyo ^e. 14 Yena waseyilaya ukuthi ingatsheli muntu; wathi: Kodwa hamba uziveze kumpristi, unikelele ukuhlanjululwa kwakho, njengoba uMozisi walaya, kube yibufakazi kubo ^f.