aMat 27:33-56
bLuka 23:33; Joha 19:17
cJoha 19:39
dJoha 19:14
eMat 22:20
fIsa 53:12; Luka 22:37
gHlab 22:1
hLuka 23:46
iMat 27:54; Luka 23:47
j16:1; Mat 27:56

Mark 15:22-41

22Basebemusa endaweni aethiwa yiGolgotha, okuyikuthi ngokuphendulelwa, iNdawo yokhakhayi b. 23Basebemnika iwayini lixutshaniswe lenhlaka ukuthi alinathe c; kodwa kalemukelanga. 24Sebembethele, babelana izembatho zakhe, benza inkatho yokuphosa ngazo, ukuthi ngamunye uzathathani. 25Kwakulihola lesithathu*, njalo bambethela d. 26Futhi kwakulombhalo wecala lakhe elalibhalwe phezulu usithi: INKOSI YAMAJUDA e.

27Njalo babethela kanye laye abaphangi ababili, omunye ngakwesokunene lomunye ngakwesokhohlo sakhe. 28Wasugcwaliseka umbhalo othi: Futhi wabalwa kanye lezoni f.

29Labedlulayo bamhlambaza, benikina amakhanda abo, besithi: Hiya, wena odiliza ithempeli, ulakhe ngensuku ezintathu, 30zisindise, wehle esiphambanweni. 31Langokunjalo abapristi abakhulu labo bakloloda kanye lababhali bathi omunye komunye: Wasindisa abanye, angezisindise yena. 32UKristu iNkosi yakoIsrayeli kehle khathesi esiphambanweni, ukuze sibone sikholwe. Lababebethelwe kanye laye bamklolodela.

Ukufa kukaJesu

33Kwathi sekufike ihola lesithupha*, kwaba khona ubumnyama phezu komhlaba wonke kwaze kwaba lihola lesificamunwemunye*. 34Ngehola lesificamunwemunye uJesu wamemeza ngelizwi elikhulu, wathi, "Eloyi, Eloyi, lama sabaktani?" Okuyikuthi ngokuphendulelwa: Nkulunkulu wami, Nkulunkulu wami, ungitshiyeleni g? 35Labanye kwababemi khona besizwa bathi: Khangelani, ubiza uElija. 36Wasegijima omunye, wagcwalisa uzipho ngeviniga, waluhloma emhlangeni, wamnika ukuthi anathe, esithi: Yekelani, sibone uba uElija uzakuza amethule. 37UJesu wasememeza ngelizwi elikhulu waphefumula okokucina h.

38Leveyili lethempeli ladatshulwa laba zincezu ezimbili laqala phezulu lisiya phansi. 39Kwathi induna yekhulu eyayimi maqondana laye ibona ukuthi ukhale njalo, waphefumula okokucina, yathi: Ngeqiniso lumuntu ubeyiNdodana kaNkulunkulu i.

40Kwakukhona labesifazana bebukele bekhatshana, okwakukhona phakathi kwabo loMariya Magadalena, loMariya unina kaJakobe omncinyane lokaJose, loSalome, 41(labo abamlandela, eseseGalili, bamsebenzela), labanye abesifazana abanengi abenyukela eJerusalema j laye.

Copyright information for Ndebele