aMat 27:15-26; Luka 23:17-25; Joha 18:39,40
bLuka 23:5
cJoha 18:40
dMat 27:15-26; Mark 15:6-15; Joha 18:39,40
eJoha 19:15; Seb 21:36; Luka 23:5; Seb 3:14
fJoha 19:15; Seb 21:36; Luka 23:5; Seb 3:14
g23:4,14
h23:22; Mat 27:26; Mark 15:15; Joha 19:1
iJoha 19:15; Seb 21:36; Luka 23:5; Seb 3:14
jJoha 19:16
k18:39,40; Mat 27:15-26; Mark 15:6-15; Luka 23:17-25
l18:30; Mark 15:13
mSeb 3:14
nMat 26:55; Mark 15:7; Luka 23:19

Mark 15:6-15

6Langomkhosi wayebakhululela isibotshwa esisodwa, loba yisiphi abasicelayo. 7Kwakukhona umuntu othiwa nguBarabasi, owayebotshiwe lalabo ababevukele umbuso laye, ababebulele ekuvukeleni umbuso. 8Ixuku laselimemeza laqala ukucela ukuthi enze njengalokho ayehlezi ekwenza kubo. 9UPilatu wasebaphendula, wathi: Lithanda ukuthi ngilikhululele iNkosi yamaJuda yini a? 10Ngoba wayekwazi ukuthi ngomona abapristi abakhulu bamnikele. 11Kodwa abapristi abakhulu bavusa ixuku, ukuthi kungcono alikhululele uBarabasi b. 12UPilatu wasephendula wathi futhi kubo: Pho lifuna ngimenzeni lo elithi uyiNkosi yamaJuda? 13Basebememeza futhi bathi: Mbethele! 14Kodwa uPilatu wathi kubo: Ngoba wenze ububi bani? Kodwa bamemeza kakhulu bathi: Mbethele!

15Khona uPilatu ethanda ukukholisa ixuku, wabakhululela uBarabasi; kodwa wamnikela uJesu, esemtshaye ngesiswepu, ukuthi abethelwe c.

Luke 23:17-25

17Kwakufanele ukuthi abakhululele abe munye ngomkhosi d.

18Bamemeza bonke kanyekanye besithi: Msuse lo, usikhululele uBarabasi e 19(owayephoselwe entolongweni ngenxa yomvukela othile owenzeka phakathi komuzi langenxa yokubulala f). 20Ngakho uPilatu wabuya wakhuluma labo, efuna ukumkhulula uJesu. 21Kodwa bamemeza, besithi: Bethela, mbethele! 22Wasesithi kubo ngokwesithathu: Ngoba lo enze bubi bani g? Kangitholanga kuye icala afanele ukufa ngalo; ngakho ngizamtshaya ngimkhulule h. 23Kodwa baqinisa ngamazwi amakhulu, befuna ukuthi abethelwe; lamazwi abo lawabapristi abakhulu aphumelela.

24UPilatu wasequma ukuthi kwenziwe isicelo sabo. 25Wasebakhululela lowo ababemcelile owayephoselwe entolongweni ngenxa yomvukela lokubulala i; kodwa uJesu wamnikela entandweni yabo j.

John 18:39-40

39Kodwa lilomkhuba, wokuthi ngilikhululele omunye ngephasika; ngakho liyathanda ukuthi ngilikhululele iNkosi yamaJuda yini k? 40Wonke asememeza futhi l, athi: Hatshi lo, kodwa uBarabasi m; kodwa uBarabasi wayengumphangi n.

Copyright information for Ndebele