a2:23-26,28, Mat 12:1-8; Luka 6:1-5
bHlu 17:8
c1 Lan 24:6; 2 Sam 8:17; 1 Sam 21:1
dEks 23:12; Dute 5:14
eMat 12:8
fMat 12:1-8; Mark 2:23-28
gLevi 23:15, 25:2,4
hJoha 5:10
iMat 12:8

Mark 2:23-28

UJesu uchasisa umlayo wesabatha

23Kwasekusithi edabula emasimini amabele ngesabatha a, abafundi bakhe basebeqala ukukha izikhwebu behamba b. 24AbaFarisi basebesithi kuye: Khangela, kungani besenza lokho okungavunyelwayo ngesabatha? 25Yena wasesithi kubo: Kalizange libale yini uDavida akwenzayo, mhla eswele, elambile, yena lababelaye? 26Ukuthi wayangena njani endlini kaNkulunkulu esikhathini uAbhiyatha engumpristi omkhulu c, wadla izinkwa zokubukiswa ezingavunyelwa ukudliwa ngaphandle kwabapristi, wabanika lababelaye? 27Wasesithi kubo: Isabatha lenziwa ngenxa yomuntu, njalo umuntu kenziwanga ngenxa yesabatha d; 28ngakho iNdodana yomuntu iyiNkosi leyesabatha e.

Luke 6:1-5

1Kwasekusithi f ngesabatha lesibili lakuqala edabula emasimini amabele g, abafundi bakhe bakha izikhwebu, badla, bezihlikihla ngezandla. 2Kodwa abathile babaFarisi bathi kubo: Lenzelani okungavunyelwa ukwenziwa ngensuku zesabatha h? 3UJesu wasebaphendula, wathi: Alifundanga lalokho yini, uDavida akwenzayo, mhla elambile yena lababelaye, 4ukuthi wayangena njani endlini kaNkulunkulu, wathatha izinkwa zokubukiswa, wasesidla, wanika lalabo ababelaye; ezingavunyelwa ukudliwa ngaphandle kwabapristi bodwa? 5Wasesithi kubo: INdodana yomuntu iyiNkosi leyesabatha i.

Copyright information for Ndebele