Mark 3:23-27
23Wasebabizela kuye, wathi kubo ngemifanekiso: USathane angakhupha njani uSathane? 24Futhi uba umbuso wehlukene umelene lawo ngokwawo, lowombuso ungeme. 25Lendlu uba yehlukene imelana layo ngokwayo, leyondlu ingeme. 26LoSathane uba ezivukela yena, ahlukane, angeme, kodwa uyaphela. 27Kakho ongangena endlini yesiqhwaga, aphange impahla yaso, uba engasibophi isiqhwaga kuqala, abesephanga indlu yaso a.Luke 11:17-22
17Kodwa yena eyazi imicabango yabo wathi kubo b: Wonke umbuso owehlukene umelene lawo ngokwawo uyachitheka; njalo indlu emelene lendlu iyadilika. 18Njalo uba uSathane laye ehlukene emelane laye ngokwakhe, umbuso wakhe uzakuma njani? Ngoba lithi, ngikhupha amadimoni ngoBhelezebhule. 19Njalo uba mina ngikhupha amadimoni ngoBhelezebhule, amadodana enu akhupha ngobani? Ngakho wona azakuba ngabagwebi benu c. 20Kodwa uba ngikhupha amadimoni ngomunwe kaNkulunkulu, isibili umbuso kaNkulunkulu usufikile kini d. 21Uba isiqhwaga sihlomile silinda owaso umuzi, impahla yaso isekuthuleni e; 22kodwa nxa olamandla kulaso esisukela asinqobe, uyasemuka izikhali zaso ebesithembele kuzo, abesesaba impango yaso f.
Copyright information for
Ndebele