aMark 4:36, 5:17; Luka 8:22,37
b6:30
cHlab 65:7
dGen 15:21; Dute 7:1; Josh 3:10, 24:11; Mark 5:1; Luka 8:26
eMark 5:2; Luka 8:27
f4:24
g2 Sam 16:10
h14:33
i4:24
jDute 5:25-27; 2 Sam 6:9; 1 Kho 17:18; Luka 5:8; Seb 16:39
k23:33, 5:1,2
l1 Kor 15:30; Hlu 5:18; 2 Sam 23:17; 1 Lan 11:19, 12:19
m8:45, 5:5
nJak 1:6
o8:37; Mark 5:1
pMat 8:28
q20:9
r8:47; Joha 11:32
s8:27; Mark 5:5
tIsam 9:1
u8:23,33, 5:1,2
v8:2,38
w10:39
x8:27
y8:37; Mark 5:1
z8:22; Mark 3:9

Matthew 8:23-34

Ukuthuliswa kwesiphepho

23Kwathi esengenile emkhunjini, abafundi bakhe bamlandela a. 24Njalo khangela, kwavuka isiphepho esikhulu olwandle, okungangokuthi umkhumbi wagutshuzelwa ngamagagasi; kodwa yena wayelele. 25Basebesondela abafundi bakhe bamvusa, besithi: Nkosi, sisindise, siyabhubha! 26Wasesithi kubo: Lesabelani, lina abokholo oluncinyane b? Wasesukuma wakhuza imimoya lolwandle; kwasekusiba khona ukuthula okukhulu c. 27Kodwa abantu bamangala, besithi: Ngonjani lo, ukuthi lemimoya lolwandle kumlalele?

Ukukhutshwa kwabomoya ababi

28Kwathi esefikile ngaphetsheya elizweni lamaGergesi d, bamhlangabeza ababili e ababengenwe ngamadimoni bephuma emangcwabeni, belolaka kakhulu, okungangokuthi kwakungekho odlula ngaleyondlela f; 29njalo khangela, bamemeza besithi: Silani lawe g, Jesu, Ndodana kaNkulunkulu h? Uze lapha yini ukusihlupha kungakafiki isikhathi? 30Kwakukhona khatshana labo umhlambi wengulube ezinengi usidla. 31Amadimoni asemncenga, esithi: Uba usikhupha, sivumela ukuthi sihambe singene emhlanjini wengulube. 32Wasesithi kuwo: Hambani. Esephumile angena emhlanjini wengulube; futhi khangela, umhlambi wonke wengulube waphaphatheka eliweni usiya olwandle, zafela emanzini. 33Abazelusayo basebebaleka, basebesiya emzini babika konke, lezindaba zababengenwe ngamadimoni i. 34Njalo khangela, umuzi wonke waphuma ukumhlangabeza uJesu; bathi bembona, bancenga ukuthi asuke emikhawulweni yakibo j.

Mark 5:17

17Basebeqala ukumncenga ukuthi asuke elizweni lakibo.

Luke 8:23-37

23Kwathi behamba ngomkhumbi, walala ubuthongo; isiphepho esikhulu somoya sasesisehlela phansi echibini k, bagcwalelwa ngamanzi, babesengozini l. 24Basebesondela bamvusa, besithi: Nkosi, nkosi, siyabhubha m! Wasevuka wakhuza umoya lamagagasi amakhulu amanzi; kwasekusima, kwasekusiba lokuthula n. 25Wasesithi kubo: Lungaphi ukholo lwenu? Basebesesaba bamangala, bakhulumisana besithi: Kambe ungubani lo, ukuthi alaye ngitsho imimoya lamanzi, njalo kumlalele?

Ukukhutshwa kwabomoya ababi

26Basebesiya ngomkhumbi elizweni lamaGadarene o, eliqondene leGalili. 27Kwathi esephumele emhlabathini, yamhlangabeza indoda ethile ivela emzini p, eyayilamadimoni okwesikhathi eside q, njalo ingembathi isembatho, ingahlali endlini, kodwa emangcwabeni. 28Yathi imbona uJesu, yamemeza, yawa phansi phambi kwakhe, yathi ngelizwi elikhulu: Ngilani lawe, Jesu, Ndodana kaNkulunkulu oPhezukonke? Ngiyakuncenga, ungangihluphi r. 29Ngoba walaya umoya ongcolileyo ukuthi aphume kulowomuntu; ngoba wayesembambe okwezikhathi ezinengi, walindwa ebotshiwe ngamaketane lezibopho, kodwa eseqamule izibopho waqhutshelwa enkangala s lidimoni. 30UJesu wasembuza, wathi: Ungubani ibizo lakho? Wasesithi: NguLegiyoni; ngoba amadimoni amanengi ayengene kuye. 31Asemncenga ukuthi angawalayi ukuya emgodini ongelamkhawulo t. 32Kwakukhona lapho umhlambi wengulube ezinengi usidla entabeni; asemncenga ukuthi awavumele angene kuzo. Wasewavumela. 33Kwathi amadimoni esephumile kulowomuntu angena engulubeni; umhlambi wasuphaphatheka usuka eliweni usiya echibini, waminzwa u.

34Kwathi ababezelusile bebona okwenzakeleyo babaleka, basuka bayabika emzini, lemaphandleni. 35Basebephuma ukuyabona okwenzakeleyo; bafika kuJesu, bamfica umuntu okwakuphume kuye amadimoni v ehlezi enyaweni zikaJesu w, embethe esephelele engqondweni x; basebesesaba. 36Basebebatshela lalabo ababebonile ukuthi usindiswe njani owayengenwe ngamadimoni. 37Ixuku lonke lesigaba samaGadarene y esizingelezeleyo laselimcela ukuthi asuke kubo, ngoba babanjwa yikwesaba okukhulu; yena wasengena emkhunjini z waphindela emuva.
Copyright information for Ndebele