a6:22,26,27; Mat 14:1
bMat 14:1-12; Luka 9:7-9
c8:28; Mat 16:14
dLuka 3:19,20
eLuka 2:19
f12:37; Mat 13:20
g1 Kho 3:15
hIsam 6:15, 19:18
iLuka 19:47; Seb 13:50, 17:4, 25:2, 28:7,17
jLuka 3:1
k6:22,26,27; Mat 14:1
lEsta 5:3,6, 7:2
mLuka 1:39
nMat 13:21
o7:9
pMat 24:28; Isam 11:8,9
q9:9, 3:1
rMat 14:1-3; Mark 6:14-16
s24:4; Seb 2:12, 5:24, 10:17
t23:8

Mark 6:14-29

Ukubulawa kukaJohane uMbhabhathizi

14Inkosi uHerodi a wasesizwa ngakho b, ngoba ibizo lakhe laba sobala, wasesithi: UJohane owabhabhathizayo uvukile kwabafileyo, futhi kungakho lamandla esebenza kuye. 15Abanye bathi: UnguElija; labanye bathi: Ungumprofethi, kumbe unjengomunye wabaprofethi. 16Kodwa uHerodi esezwile wathi: Lo nguJohane, mina engamquma ikhanda; yena uvukile kwabafileyo c.

17Ngoba yena uHerodi wayethumele wambamba uJohane, wambopha entolongweni, ngenxa kaHerodiyasi umkaFiliphu umfowabo, ngoba wayemthethe d. 18Ngoba uJohane wayethe kuHerodi: Kawuvunyelwa ukuba lomkamfowenu. 19UHerodiyasi wasembambela inhliziyo, wafuna ukumbulala; kodwa kenelisanga; 20ngoba uHerodi wayemesaba uJohane, esazi ukuthi uyindoda elungileyo lengcwele, wamlondoloza; lalapho emuzwa, wenza izinto ezinengi e, wamuzwa ngokuthokoza f.

21Kwathi selufikile usuku oluhle, uHerodi ngelanga lakhe lokuzalwa wenzela izikhulu zakhe g lenduna zenkulungwane h labalisa i beGalili j ukudla kwantambama, 22kwathi indodakazi kaHerodiyasi lo isingenile yagida, yamkholisa uHerodi lalabo ababehlezi ekudleni laye, inkosi yathi entombini: Cela kimi loba kuyini okuthandayo, njalo ngizakupha; 23wafunga kuyo esithi: Loba kuyini ongakucela kimi, ngizakunika k, kuze kube yingxenye yombuso wami l. 24Yasiphuma isithi kunina: Ngizacelani? Yena wasesithi: Ikhanda likaJohane uMbhabhathizi. 25Njalo yahle yangena enkosini ngokuphangisa m, yacela, yathi: Ngifuna ukuthi unginike khathesinje emganwini ikhanda likaJohane uMbhabhathizi. 26Inkosi yasidabuka kakhulu, kodwa ngenxa yezifungo langalabo ababehlezi layo ekudleni n kayithandanga ukuyilandulela o. 27Njalo inkosi yahle yathuma ibutho yalaya ukuthi kulethwe ikhanda lakhe. Wasehamba wamquma ikhanda entolongweni, 28waletha ikhanda lakhe ngomganu, walinika intombi; intombi yasilinika unina. 29Kwathi abafundi bakhe sebezwile beza, bathatha isidumbu sakhe, basibeka engcwabeni p.

Luke 9:7-9

Ukubulawa kukaJohane uMbhabhathizi

7UHerodi umtetrarki* q wasekuzwa konke okwenziwa nguye r; wasedideka s, ngoba kwatshiwo ngabanye ukuthi uJohane uvukile kwabafileyo; 8langabanye ukuthi uElija ubonakele; langabanye ukuthi kuvukile omunye wabaprofethi abadala. 9Kodwa uHerodi wathi: UJohane ngamquma ikhanda mina; kodwa ngubani lo, mina engizwa ngaye izinto ezinje? Wasefunisisa ukumbona t.

Copyright information for Ndebele