Mar 6:45-56, Joh 6:15-21 | Ndebele | STEP | Njalo wahle wacindezela abafundi bakhe ukuthi bangene emkhunjini, njalo ba m qalele ukuya ngaphetsheya eBhethisayida , yena esayekela ixuku lihamba.

‏ Mark 6:45-56

UJesu uhamba phezu kolwandle

45 Njalo wahle wacindezela abafundi bakhe ^a ukuthi bangene emkhunjini, njalo bamqalele ukuya ngaphetsheya ^b eBhethisayida ^{▼▼ eBhethisayida: kumbe, maqondana leBhethisayida
,} ^d, yena esayekela ixuku lihamba. 46 Esebavalelisile, wasuka waya entabeni ^e ukuyakhuleka ^f. 47 Sekuhlwile, umkhumbi wawuphakathi kolwandle, futhi yena wayeyedwa emhlabathini. 48 Wababona behlupheka kakhulu ekugwedleni, ngoba umoya wawuphambene labo, wasesiza kubo sokungaba yisikhathi somlindo wesine wobusuku, ehamba phezu kolwandle; wasefuna ukubadlula ^g. 49 Sebembonile ehamba phezu kolwandle, basebecabanga ukuthi lithonga, bakhala kakhulu; 50 ngoba bambona bonke, bethuka. Kodwa wahle wakhuluma labo, wathi kubo: Manini isibindi; yimi, lingesabi. 51 Wasesenyukela kubo emkhunjini, umoya wasuthula; basebesanganiseka kakhulu okwedlula amalawulo ngaphakathi, bamangala ^h. 52 Ngoba babengaqedisisanga ngezinkwa ⁱ; ngoba inhliziyo yabo yayilukhuni ^j.

UJesu usilisa elizweni leGenesaretha

53 Kwathi sebechaphile bafika elizweni leGenesaretha, babophela umkhumbi ekhunjini. 54 Bathi sebephumile emkhunjini, bahle bamazi, 55 njalo bagijimela kuso sonke lesosigaba esizingelezeleyo, baqala ukubhoda bethwala abagulayo ngamathala bebasa lapho abebesizwa ukuthi ukhona. 56 Njalo loba ngaphi angena khona emizaneni loba emizini, loba emaphandleni, babeka abagulayo emidangeni, bamncenga ukuthi bathinte umphetho wesembatho sakhe nje; njalo bonke abamthintayo basindiswa.

‏ John 6:15-21

15 Kwathi uJesu esazi ukuthi bazakuza bambambe ngamandla ^k, ukumbeka abe yinkosi ^l, wabuyela futhi entabeni yena eyedwa ^m.

UJesu uhamba phezu kolwandle

16 Sekuhlwile, abafundi bakhe behlela elwandle, 17 sebengenile emkhunjini ⁿ, beza ngaphetsheya kolwandle ukuya eKapenawume ^o. Kwasekumnyama, uJesu wayengafikanga kubo. 18 Lwaseluvuka ulwandle ngoba umoya olamandla wawuvunguza. 19 Sebegwedlile amastadiyu* angaba ngamatshumi amabili lanhlanu ^p kumbe amatshumi amathathu ^q, babona uJesu ehamba phezu kolwandle, esondela emkhunjini; basebesethuka. 20 Kodwa wathi kubo: Yimi, lingesabi. 21 Basebevuma ukumemukela emkhunjini; njalo wahle wafika umkhumbi elizweni ababesiya kilo ^r.