Mat 10:26-33, Mar 4:22, Luk 8:17 | Ndebele | STEP | Ngakho lingabesabi; ngoba kakukho okufihliweyo, okungayikubonakaliswa; lokuthukuziweyo, okungayikwaziwa.

‏ Matthew 10:26-33

UJesu uxwayisa abafundi bakhe

26 Ngakho lingabesabi; ngoba kakukho okufihliweyo, okungayikubonakaliswa; lokuthukuziweyo, okungayikwaziwa. 27 Lokho engikutsho kini emnyameni, kukhulumeni ekukhanyeni; lalokho elikuzwa endlebeni, kumemezeleni phezu kwezindlu ^a. 28 Njalo lingabesabi ababulala umzimba, kodwa bengelamandla okubulala umphefumulo ^b; kodwa mesabeni kakhulu olamandla okubhubhisa kokubili umphefumulo lomzimba ^c esihogweni ^d.

29 Kazithengiswa yini intaka ezimbili ngendibilitshi? Kodwa kakuyikuwa emhlabathini lanye yazo, ngaphandle kukaYihlo. 30 Kodwa lezenu inwele zekhanda zibaliwe zonke ^e. 31 Ngakho lingesabi; lina liyazidlula intaka ezinengi ^f.

32 Ngakho ngulowo lalowo ozangivuma phambi kwabantu ^g, lami ngizamvuma ^h phambi kukaBaba osemazulwini ⁱ. 33 Kodwa loba ngubani ongiphika phambi kwabantu ^j, lami ngizamphika phambi kukaBaba osemazulwini ^k.

‏ Mark 4:22

22 Ngoba kakukho okufihliweyo okungayikubonakaliswa; akukho okwenzeka kube yimfihlo, kodwa ukuze kube sobala ^l.

‏ Luke 8:17

17 Ngoba kakukho okufihliweyo, okungasoze kube sobala; lokuthukuziweyo, okungayikwaziwa lokungayikulethwa obala ^m.