Matthew 12:9-14
UJesu usilisa ngesabatha
9Futhi wasuka lapho wangena esinagogeni labo; 10njalo khangela, kwakukhona umuntu olesandla esitshwabheneyo a; basebembuza besithi: Kuvunyelwe yini ukusilisa ngamasabatha? ukuze bambeke icala. 11Kodwa wathi kubo: Nguwuphi umuntu phakathi kwenu, elemvu eyodwa, futhi uba yona iwele emgodini ngesabatha, ongayikuyibamba ayikhuphule b? 12Umuntu uyedlula-ke kangakanani imvu c! Ngakho kuvunyelwe ukwenza okuhle ngamasabatha. 13Wasesithi kumuntu: Yelula isandla sakho. Waseselula, sasesisiliswa saphila njengesinye.Inceku ekhethiweyo
14Basebephuma abaFarisi becebisana ngaye, ukuthi bangambulala njani d.Luke 6:6-11
UJesu usilisa ngesabatha
6Kwasekusithi langelinye isabatha wangena esinagogeni, wafundisa e; njalo kwakukhona umuntu lapho, osandla sakhe sokunene sasitshwabhene f. 7Ababhali labaFarisi basebemqaphela g, ukuthi uzasilisa ngesabatha yini; ukuze bathole okokumbeka icala. 8Kodwa wayazi imicabango yabo h, wathi kumuntu olesandla esitshwabheneyo: Sukuma, ume phakathi. Wasukuma-ke wema. 9UJesu wasesithi kubo: Ngizalibuza ulutho: Kuvunyelwe yini ngamasabatha ukwenza okulungileyo kumbe ukwenza okubi? Ukusindisa impilo kumbe ukuchitha? 10Wasebathalaza bonke, wathi kumuntu: Yelula isandla sakho. Wasesenza njalo. Isandla sakhe sasesisiliswa saphila njengesinye i. 11Basebegcwala ubuhlanya j; bakhulumisana omunye komunye, ukuthi bangamenzani uJesu k.
Copyright information for
Ndebele