aMark 4:13-20; Luka 8:11-15
b4:23, 8:12, 13:38
c13:38, 6:13; Joha 17:15; Efe 6:16; 2 Thes 3:3; 1 Joha 2:13,14, 3:12, 5:18,19
dMark 1:30; Mat 13:21
eIsa 58:2; Hez 33:31,32; Mark 6:20; Joha 5:35
fMark 4:17; 2 Kor 4:18; Heb 11:25
gMark 6:25; Luka 17:7, 21:9; Mat 13:20
h11:6; 2 Tim 1:15
i2 Tim 4:10
j19:23
kMat 13:18-23; Mark 4:13-20
l1 Tim 4:1
mRoma 2:7; Mat 24:13; Heb 10:36; Jak 5:7

Matthew 13:18-23

Ukuchasiswa komfanekiso womhlanyeli

18Ngakho lina zwanini umfanekiso womhlanyeli a. 19Kuthi wonke ozwayo ilizwi lombuso kodwa engaqedisisi b, omubi afike, ahluthune okuhlanyelwe enhliziyweni yakhe. Lo nguye ohlanyelwe eceleni kwendlela c. 20Kodwa ohlanyelwe emhlabathini olamatshe, nguye olizwayo ilizwi, ahle alemukele d ngentokozo; 21kodwa kalampande phakathi kwakhe e, kodwa uhlala isikhathi; kuthi sekufika inkathazo kumbe ukuzingelwa ngenxa yelizwi f, ahle g akhubeke h. 22Lohlanyelwe emeveni, nguye olizwayo ilizwi, kodwa impisekelo yalumhlaba lenkohliso i yenotho kuyaliminyanisa ilizwi, futhi lingabi lesithelo j. 23Kodwa ohlanyelwe emhlabathini omuhle, nguye olizwayo ilizwi aliqedisise; isibili athele izithelo, aveze, omunye ikhulu, lomunye amatshumi ayisithupha, lomunye amatshumi amathathu.

Luke 8:11-15

11Lomfanekiso uyilokhu: Inhlanyelo iyilizwi likaNkulunkulu. 12Labaseceleni kwendlela yilabo abathi sebezwile, besekufika udiyabhola alisuse ilizwi enhliziyweni zabo, ukuze bangakholwa basindiswe k. 13Labasedwaleni yilabo, abathi belizwile, balemukele ilizwi ngentokozo, kodwa laba kabalampande, abakholwa okwesikhathi, kuthi ngesikhathi sokulingwa bawe l. 14Lewele phakathi kwameva, yilabo abathi sebezwile, bahambe baminyaniswe yikukhathalela lenotho lenkanuko yempilo, njalo bangatheli izithelo ezivuthiweyo. 15Kodwa esemhlabathini omuhle, yilabo abathi belizwile ilizwi balilondoloze enhliziyweni enhle lelungileyo, bathela izithelo ngokubekezela m.

Copyright information for Ndebele