Mat 17:14-18, Mar 9:14-27 | Ndebele | STEP | Kwathi sebefikile exukwini, kweza kuye umuntu waguqa phambi kwakhe wathi :

h14:33, 16:5,6

i 9:14

j 9:20

k9:26, 1:26

l 9:20

m Luka 17:5

n 9:15

o9:26, 1:26

Matthew 17:14-18

Ukusiliswa komfana owayelesithuthwane

14 Kwathi sebefikile exukwini, kweza kuye umuntu ^a waguqa phambi kwakhe wathi ^b: 15 Nkosi, akuhawukele indodana yami, ngoba ilesithuthwane iyahlupheka kakhulu; ngoba iwele kanengi emlilweni, futhi kanengi emanzini. 16 Njalo ngiyilethe kubafundi bakho, kodwa bebengelakho ukuyisilisa ^c. 17 UJesu wasephendula wathi: O sizukulwana esingelakholo lesonakeleyo ^d, koze kube nini ngilani? Koze kube nini ngilibekezelela ^e? Mletheni kimi lapha. 18 UJesu waselikhuza, idimoni laseliphuma kuyo, umntwana wasesila kusukela kulelohola.

Mark 9:14-27

Ukusiliswa komfana owayelesithuthwane

14 Kwathi efika kubafundi, wabona ixuku elikhulu libahanqile ^f, lababhali bephikisana labo ^g. 15 Lahle lathi ukumbona ixuku lonke laselimangala, lagijimela kuye lambingelela ^h. 16 Wasebabuza ababhali wathi: Liphikisana ngani labo ⁱ? 17 Omunye wexuku wasephendula wathi: Mfundisi, ngilethe kuwe indodana yami, elomoya oyisimungulu; 18 kuthi loba ngaphi oyibamba khona, uyidabule; ikhihlize amagwebu, igedle amazinyo ayo, yome qha ^j; njalo ngikhulume labafundi bakho ukuthi bawukhuphe, kodwa behluleka. 19 Wasemphendula wathi: O sizukulwana esingelakholo, koze kube nini ngilani? Koze kube nini ngilibekezelela? Iletheni kimi. 20 Basebeyiletha kuye; kwathi umbona, umoya wahle wayihlukuza; yawela emhlabathini ^k, yazigiqagiqa ikhihliza amagwebu ^l. 21 Wasebuza uyise wathi: Kulesikhathi esingakanani, lokhu kwenzeka kiyo? Wasesithi: Kusukela ebuntwaneni. 22 Futhi uyiphosele kanengi emlilweni lemanzini, ukuze uyibhubhise; kodwa nxa kukhona ongakwenza, sihawukele, usisize. 23 UJesu wasesithi kuye: Nxa usenelisa ukukholwa, zonke izinto ziyenzeka kokholwayo. 24 Njalo uyise womntwana wahle wamemeza ngezinyembezi wathi: Ngiyakholwa, Nkosi, siza ukungakholwa kwami ^m. 25 Kwathi uJesu esebona ukuthi ixuku ligijima kanyekanye ndawonye, wakhuza umoya ongcolileyo, esithi kuwo: Wena moya oyisimungulu loyisacuthe, mina ngiyakulaya: Phuma kuye, ungabe usangena kuye ⁿ. 26 Usumemezile, wayihlukuza kakhulu, waphuma ^o; yasisiba njengofileyo, kwaze kwathi abanengi bathi isifile. 27 Kodwa uJesu wayibamba ngesandla, wayiphakamisa; yasisukuma.